Өглөө.мн Шинэ өглөө, Шинэ мэдээлэл
Бид та бүхэндээ Монголын үзэсгэлэнт газруудын фото зургийг цувралаар хүргэж байгаа билээ. “Миний Монгол” төслийн багийнхан Монгол орныг бүхэлд нь илэрхийж чадах дижитал мэдээлэл /гэрэл зураг, дүрс бичлэг/ агуулсан сан бий болгохыг зорьжээ. Хүүхэд залуус хойч үедээ зориулан мульти медиа мэдээллийн санг бүрдүүлэхийг зорьсон тэдний энэхүү ажил уншигчдын талархлыг ихээхэн хүлээгээд байна.
Тэд 2019 он хүртэл үргэлжлэх уг төслийнхөө хүрээнд Монгол орны баруун хязгаар Увс, Баян-Өлгий, Ховд аймгаар аялж, судалгаа явуулжээ. Аяллын баг 23 000 гаруй км замыг туулж 75 хоног хээрийн зураг авалт хийхдээ хүний хөл хүрэх бэрх газар нутгийг сонгож 17 000 гэрэл зураг, 6 000 минутын дүрс бичлэгийн санг бүтээжээ. Эх орныхоо байгалийн үзэсгэлэнт газар, онгон байгаль, гайхалтай тогтоц бүхий газруудыг даяаршлагдаж байгаа энэхүү цаг үед бид илүү их хайрлан хамгаалах, хүндэтгэн дээдлэх цаг ирснийг энэхүү зургууд танд бэлхнээ сануулах болно.
