Өглөө.мн Шинэ өглөө, Шинэ мэдээлэл
Финланд улсын нийслэл Хельсинк хотын амьтны хүрээлэнгийн 125 жилийн ойг тохиолдуулан өнгөрсөн амралтын өдрүүдэд зохион байгуулсан мөсөн баримлын олон улсын наадамд дэлхийн шилдэг 30 барималч цас, мөсний гайхамшгийг үзүүлэн өрсөлдөхөд монгол барималч Д.Лхагвадорж “Самба” нэртэй бүтээлээрээ түрүүлжээ.
Ан амьтныг хайрлан хамгаалах зорилгоор жил бүр зохион байгуулдаг уралдаан эдүгээ 10 дахь хавартайгаа золгож байгаа бөгөөд уран бүтээлчид 30 мянган кг мөс ашиглан мөсөн амьтны ертөнц босгосон гэнэ. Д.Лхагвадорж өнгөрсөн жилийн энэхүү наадамд түрүүлж байсан бөгөөд 2012 онд Хельсинкт болсон элсэн баримлын олон улсын наадамд “Шувууны үүр” бүтээлээрээ дэд байрт шалгарч байжээ.
эх сурвалж: урлаг.мн
