Монголбанк 34.75 сая ам.доллар, 32.0 сая юань худалдсан байна

Монголбанк 34.75 сая ам.доллар, 32.0 сая юань худалдсан байна. Энэ удаагийн арилжаагаар гадаад валютын своп, форвард хэлцлээр банкууд 72.5 сая ам.доллар худалдан авах төгрөгийн своп, 15 сая ам.доллар худалдах ам.долларын своп хэлцэл хийх санал ирүүлжээ. Монголбанк төгрөгийн своп хэлцлийн саналыг 100 хувь биелүүлэн, гадаад валютын дотоодын захад 72.5 сая ам.доллар нийлүүлсэн байна.

Гадаад валютын дуудлага худалдааг Монголбанкнаас долоо хоног бүрийн мягмар, пүрэв гарагт тогтмол зохион байгуулдаг ба дуудлага худалдаанд зөвхөн банкны үйл ажиллагаа эрхлэх зөвшөөрөлтэй, Монгол Улсын нутаг дэвсгэр дээр үйл ажиллагаа явуулж буй банкууд оролцдог болохыг Монголбанкнаас мэдээллээ.

Д.Үүлэн