“80-аад ОныхоН” групп ээлжит “Сайн үйлсийн аян”-аа зохион байгуулна

2014 оны 3 сар 30 / 14 цаг 30 минут Онцолсон

Онлайн ертөнцөд олон залуус үзэл бодол, итгэл үнэмшил, сонирхолоороо нэгдэж, нийгмийн сайн үйлсийн төлөө чадах чинээгээрээ оролцож байна. Тэдний нэг бол фэйсбүүк орчинд нэгдэж чадсан https://www.facebook.com/groups/80aadon/ группийнхэн юм. Улс төр, элдэв хов жив, туйлширсэн үзэл баримтлал, нийгмийн бухимдал стресс, интернэт реклам сурталчилгаанаас хол хөндий байж, нэгэн үеийн залуус хүүхэд ахуй насныхаа дурсамж, хөгжилтэй яриа, дуу хуур, шүлэг наадмаараа энд нэгджээ. Энэ группт гадаадын улс оронд ажиллаж амьдарч байгаа болон хөдөө аймаг суманд амьдарч байгаа 80-аад оны олон зуун залуус гишүүнчлэлээр элссэн байдаг.

https://www.facebook.com/groups/80aadon/ групп 2014 оны 1 сарын 1-ны өдөр нээгдсэн боловч өдгөө 10600 гаруй гишүүнтэй томоохон групп болж чадлаа. Хийж бүтээх өрнүүн сэтгэлгээтэй, хүсэл сонирхолоороо нэгдэж чадсан 80-аад ОныхоН группийн залуус байгуулагдсан цагаасаа хойш богино хугацаанд нийгэмд хандсан хэд хэдэн сайн үйлсийн ажлуудыг санаачлан амжилттай зохион байгуулсан байна. Тухайлбал, сар шинийн баярын өмнө сайн дурын цэвэрлэгээг Баянгол дүүрэгт хийсэн бол 3 сарын 1-нд Батсүмбэрийн Ахмадын асрах газар очиж ахмад настнуудад гарын бэлэг гардуулж, тэдэнтэй нэг өдрийг өнгөрүүлж, ахмадуудыг халамжилан асарсан зэрэг ажлуудыг энд дурьдаж болно. Асрамжийн газрын ахмадуудад зориулан группийн гишүүдийн зүгээс оймс, хувцас бэлэглэснээс гадна ахмад настнууддаа зориулан нас буян нэмэхийн ерөөл болох “Цэнд” сударыг лам нараар уншуулан, халуун аарц, цайгаар дайлж, бүтэн өдрийн хоол хүнсийг хариуцан, урлагийн номер, тоглолт үзүүлэн нэг өдрийг тэдэнтэй өнгөрүүлcэнд асрамжийн газрын ахмад настнууд талархалснаа илэрхийлж байлаа.

Энэ удаа “80-аад ОныхоН” групп саажилттай хүүхдүүдийг асран халамжилдаг цэцэрлэгт памперс, салфетка, тоглоом бас цэцэрлэгийн хэрэгцээнд цахилгаан бараанууд бэлэглэх хандивын аяныг гишүүдийнхээ дунд зарлан, цуглуулсан бэлэг, хандивын эд материалыг 4-р сарын 03-нд тус цэцэрлэг дээр очиж гардуулан өгөхөөр бэлтгэж байна.

Хэрвээ та 1978-1990 онд төрсөн бол энэ группын гишүүн болж, хүүхэд ахуй насныхаа баяр хөөртэй дурсамжийг үеийнхэнтэйгээ хуваалцан, найзын хүрээгээ өргөтгөж, нийгмийн тустай үйлсэд гар бие оролцох боломжтой болох юм. Та энэ группт нэгдэхийг хүсвэл яг одоо https://www.facebook.com/groups/80aadon/ – энд дарж гишүүнээр элсээрэй.

Хамгийн хүчтэй, хамгийн халуун дулаан уур амьсгалтай манай группийн гишүүн болж дурсамжаараа хөглөгдөн, итгэлээрээ жигүүрлэн, эрч хүчээрээ нэгдэн, идэвхиэрээ оролцох боломжийг бид бүрдүүлнэ. Бид https://www.facebook.com/groups/80aadon/ группийнхэн…