Өглөө.мн Шинэ өглөө, Шинэ мэдээлэл
Алдартнууд юунд донтсон тухай мэдээлэл олон нийтийн ярианы халуун сэдэв болдог. Гэвч амьдрал дээр хүмүүс өөрсдөө юунд донтож буйгаа анзаарах нь ховор. Харин өнөөгийн хүмүүс юунд хамгийн ихээр донтдог тухай жагсаалтыг “Toptens” сайт гаргажээ. “Сониуч” булан өнөөдөр хүмүүсийг донтуулж буй тэргүүлэх 10 хүчин зүйлийн тухай онцолж байна.
Интернэт, ухаалаг утасны дон Бүхий л өдөржингээ Фэйсбүүк гэх мэт нийгмийн сүлжээ сайтуудаа дахин дахин шалгаж, интернэтээс гардаггүй хүмүүс олширчээ. Ухаалаг утаснаасаа уяатай өнжих буюу интернэтэд донтох үзэгдэл хүн төрөлхтнийг хамгийн ихээр зовоож байна. Дэлхий нийтийн хэрсэн интернэт сүлжээ үүсээд 50 жил ч болоогүй байхад үүнд донтогчдын тоо тэрбум хол давсан байна. Өөрөөр хэлбэл дэлхийн долоон хүн тутмын нэг нь ухаалаг утсанд донтсон байна.
Гоо сайхны хагалгааны дон Өөрийнхөө дургүй бие эртхнээ хагалгаагаар өөрчилж засах нь гоо сайхны хөгжилд хувьсал болсон. Гэвч энэ үзэгдэлд хэт донтсон хүн хүн төрхөө алдахад хүрдэг байна. Тэд эрүүл мэднээсээ гадна хөрөнгө санхүү, бүр өнөө засах гэж байсан гоо сайхнаа алддаг аж.
Дэлгүүр хэсэх дон Дэлгүүр хэсэх дон нь олсон бүхнээ ямар нэг зүйл худалдан авахад хүргэдэг тул санхүүгийн хямралд орох, цаашлаад өр зээлд баригдах үндэс болдог байна. Ихэвчлэн эмэгтэйчүүд дэлгүүр хэсэх дон тусдаг аж.
Сексийн дон Сексийн донтой хүмүүс байнгын болон нэг удаагийн хамтрагч хайхад хамаг амьдралаа зориулдаг байна. Тэдний хувьд хамтрагчаа зөвхөн секс машин гэж хардаг бөгөөд өөр ямар ч үнэ цэнэгүйд үздэг. Амьдралынх нь утга учир секс хийхэд л оршдог тул ийм донтой хүмүүс насны эцэст гэр бүлгүй үлддэг аж.
Биеэ зэрэмдэглэх дон Та биеэрээ дүүрэн шивээстэй эсвэл өөртөө металь зүүсэн хэн нэгнийг харсан л биз. Тэгвэл биеэ зэрэмдэглэх буюу донтогчдын хувьд “боди арт”-д донтсоноор эрүүл мэндээрээ асар их хохирдог байна. Ийм хүмүүс шинэ шивээс эсвэл биендээ ямар нэг гоёл зүүснээр тайвширлыг олж авдаг бөгөөд амьдралынхаа туршид дахин дахин хийлгэсээр байдаг аж.
Хайрын дон Хайрлаж дурлах, хайранд донтох хоёр тэс өөр ойлголтууд юм. Хайрын донтой хүмүүс хайртай гэгдэж байсан хамтрагчаасаа салаад өөр нэгнийг олох хүртэл эрүүл мэнд, ажил мэргэжлээ бүгдийг нь гаргуунд гаргадаг байна. Мөн ийм донтой хүмүүсийн ихэнхи нь сохор хардагчид байдаг аж.
Видео тоглоомын дон Видео тоглоомын дон дэлхийн ямар ч орны хувьд залуу үеийнхэнд хамгийн ихээр илэрч байна. Энэхүү дон нь олон цагийн турш зогсолтгүй тоглоход хүргэдэг бөгөөд хүн унтах, хооллохоо ч мартдаг байна. 15-20 цагийн турш компьютерээс нүд салгахгүй тоглосны уршгаар амиа алдсан магадлал асар өндөр байдгийг туршлагаар тодорхойлжээ.
Шүтэх дон Энэ бол бурхан эсвэл аль нэг шашинд донтох явдал биш юм. Харин алдартай хүн эсвэл хамтлагт донтох явдал ихэссэн байна. Хэн нэгнийг шүтэхэд донтсон фанатууд тэдний төлөө амиа хорлоход ч бэлэн байдаг.
Дасгалын дон Дасгал бол хүний эрүүл мэндэд хэрэгтэй зүйл. Гэвч орчин үед хүмүүс сайхан бие хаатай болохын тулд дасгалын зааланд дэндүү олон цагийг өнгөрүүлэх болжээ. Энэхүү донтолт нь хүний эрүүл мэндийг доройтуулж, нийгмийн амьдралаас хоцрогдуулах хор уршгийг дагуулж байна.
Технологийн дон Технологийн хөгжил 100 гаруй жилийн дотор дэлхийг бараг бүх өрхөд хүрчээ. USB-тэй хөргөгч, нэг удаагийн тоо бодогч, өндөг чанагч гээд л бараг бүх зүйлд зориулсан технологи гарсан. Технологийн донтолт нь хамгийн орчин үеийн технологиор гэр орноо дүүргэхэд хүргэдэг байна.
