Хэдэн настай харагддагаа тодорхойлох программ бүтээжээ

Та өөрийгөө хэдэн настай мэт харагддаг гэж бодож байна. Шинээр зохион бүтээсэн энэхүү программ таны хэдэн настай мэт харагдаж байгааг тодорхойлж өгөх болно. Microsoft компани өөрийн чинь зурганд дүн шинжилгээ хийж таныг хэдэн настай мэт харагдаж байгааг хэлж чадах энэ программыг бүтээж туршилтын хугацаандаа явж байгаа аж. Энэ программд гарч болох алдаа нь нас барсан хүний зургийг шинжилвэл насыг нь тогтоох явдал юм. Бусад тохиолдолд ямар ч асуудалгүй аж. Хэрэглэхэд маш хялбар бөгөөд та өөрийн зургаа upload  хийгээд хэдэн секунд хүлээхэд л хангалттай гэнэ. Тус компани нь энэхүү программаа өнгөрөгч 4-р сард танилцуулсан ба танилцуулсанаас хойш маш олон хэрэглэгч сонирхоод байгаа аж. Хэдийгээр энэ программ нь хүмүүсийн сонирхлыг ихээр татаж байгаа ч компаний зүгээс “ Бид чинь хүмүүс шүү дээ. Ямар нэгэн программгүй өөрсдийгөө хангалттай дүгнэх чадвартай. Хүн болгон өөр өөр” хэмээн мэдэгдсэн юм.

Б.Нарангэрэл