Сансрын станцад 2000 доллараар хоноглож болно

Швейцарийн Цюрих хотын Grand Kameha зочид буудал сансрын станц шиг тоноглогдсон люкс ангиллын шинэ өрөөгөө танилцуулав. Энэ өрөөнд хоног төөрүүлэхэд 2000 доллар шаардлагатай юм. Өрөөний дотоод заслыг Германы зураач Майкл Нажар хийжээ. Тэрбээр гурван жилийн туршид сансарт нисэх бэлтгэлийг хийж байсан аж.

Уг өрөөн дотор жингүүдсэн мэт сэтгэгдэл төрүүлэхүйц ор, дэлхий ертөнцийг тольдох боломжтой угаалгын өрөө байдаг гэнэ. Мөн тэнд ном, сонсдог ном, сансар огторгуйтай холбоотой кинонууд бүхий номын сан байхаас гадна Олон улсын сансрын станц дээрээс шууд дамжуулалтыг хийдэг байна. Зочдыг сансрын хөлөг дотор байдаг шиг эмэгтэй хүний роботжуулсан дуу хоолой мэндчилдэг аж.

Эх сурвалж: wikimon.mn