Өглөө.мн Шинэ өглөө, Шинэ мэдээлэл
Дэлхийн хамгийн том алтан бөгжийг Арабын Нэгдсэн Эмират Улсын Шаржа хотын үзэсгэлэнгийн танхимд зохион байгуулагдаж буй үзэсгэлэн яармаг дээр толилуулжээ. Энэ чимэглэл 63 орчим килограмм жинтэй бөгөөд гурван сая долларын өртгөөр бүтсэн аж. Гэхдээ энэ бөгжийг худалдахгүй гэнэ шүү.
Бөгжний тойрог 217.5 сантиметр бөгөөд түүнийг цагаан, шар, ягаан алтаар урлажээ. Мөн түүнийг үнэт хийгээд хагас үнэт чулуу, Сваровски болор шигтгээгээр чимэглэсэн байна. Энэ урлагийн бүтээлийг 55 уран дархан 45 хоногийн туршид хөдөлмөрлөн бүтээжээ. Өвөрмөц бөгжийг Гиннесийн амжилтын номд бүртгэсэн аж.
Эх сурвалж: wikimon.mn
