Өдөрт хоёр удаа усан доор ордог засмал зам

Иргэд өдөртөө хоёр удаа гутлаа тайлан усан дундуур туулж явдаг энэ сонин зам Францад бий.

Бурньёфын булангаар Францын эх газрыг Нуармутьегийн аралтай холбосон энэ замаар хүн машин байнга хөлхөж байдаг ч өдөртөө хоёр удаа далайн түрлэг болж усан дор ордог юм байна.  Усны түрлэг эхлэхээр хөдөлгөөн хаахад хүрдэг байна.

Энэ зам хамгийн анх 1701 онд бий болж газрын зурагт тэмдэглэгдсэн бол хожим нь 1840 онд морь, морин тэрэг явахад зориулан чулуугаар бүрсэн юм байна. Энэ замаар дугуйн уралдаан ч зохион байгуулдаг гэнэ.

Дэлхий  хаанахын замаас ч ялгагдах гол ялгаа нь энд замын тэмдэг тэмдэглэгээтэй хамт усны түрлэг эхлэх цагийн хуваарь бичээстэй байдаг байна.