МУ-ын заан Б.Пүрэвсайханд Ховд аймгийн ИТХ-ын дарга Г.Пүрэвганди хүндэтгэл үзүүллээ

2005 онд Мөст сумын харьяат  Цэдэвийн Мягмарсүрэн  МУ-ын заан цол хүртэж байсан байна. Түүнээс хойш  Ховд аймгаас Заан цолтон төрж байгаагүй бөгөөд 11 жилийн дараа Чандмань сумын харьяат Баатархүүгийн Пүрэвсайхан улсынхаа баяр наадамд 7 даван  МУ-ын заан цол хүртсэн билээ. МУ-ын шинэхэн заан аймгийнхаа баяр наадамд зодоглохоор Ховд аймагт хүрэлцэн ирлээ. Түүнийг Аймгийн ИТХ-ын дарга Г.Пүрэвганди зарим тэргүүлэгчдийнхээ хамтаар болон Аймгийн Үндэсний бөхийн холбоо, Чандмань нутгийнхан хүндэтгэн угтан авчээ.

khovdnews.mn