Өглөө.мн Шинэ өглөө, Шинэ мэдээлэл
Монголын багш нарын баярын 50 дахь өдөр, Нийслэлийн Боловсролын байгууллага үүсэн байгуулагдсаны 85 жилийн ойн арга хэмжээ Соёлын төв өргөөнд болж, нийслэлийн боловсролын салбарын шилдэгүүдээ тодрууллаа. Энэ үеэр Нийслэлийн Боловсролын газраас “Боловсролд ээлтэй-Засаг дарга”-аар Чингэлтэй дүүргийн Засаг дарга Ж.Эрдэнэбат тодорсоныг уламжилж, Нийслэлийн Боловсролын газрын дарга Ж.Гантулга “Өргөмжлөл” гардуулж өгөв. Энэхүү “Өргөмжлөл” нь Чингэлтэй дүүрэг боловсролын салбараа тэргүүлэх чиглэл болгож хүүхэд багачуудын сурч хүмүүжих орчин, багш, ажилтнуудын ажиллах нөхцөлд анхаарал хандуулж ирсэний жишээ, баталгаа боллоо. УИХ-ын гишүүн Д.Ганболд Чингэлтэй дүүргийн Засаг даргаар ажиллаж байхдаа 2015 онд мөн “Боловсролд ээлтэй- Засаг дарга”-аар өргөмжлөгдөж байсан юм.
