Амгалан амаржих газрын орны тоог тавиар нэмэгдүүллээ

Эрүүл мэндийн сайд А.Цогцэцэг, УИХ-ын гишүүн Саранчимэг нар өнөөдөр Амгалан амаржих газарт ажиллаж, тус төрөхийн үйл ажиллагаатай нь танилцан эмч ажилчидтай нь уулзлаа.

Энэ үеэр тус төрөхөд нэн шаардлагатай байсан орны тоог 50-аар нэмэгдүүлснээ дуулгаж, үүнд зарцуулагдах төсөв, санхүүжилтийг бүрэн шийдвэрлэснээ хэллээ.

Ингэснээр эх, нярай, эмэгтэйчүүдэд үзүүлэх тусламж үйлчилгээний хүлээгдэл, чирэгдлийг буурч,  чанар, хүртээмж нэмэгдэн иргэдэд ээлтэй  орчин бүрдэж, орны  хүлээгдэл эрс багасах аж.

Ийнхүү Нийслэлийн Амгалан  амаржих газар  нь 150 ортойгоор Баянзүрх, Сүхбаатар, Багахангай дүүргийн 450 000 хүн  амд үйлчлэх эх барих, эмэгтэйчүүдийн тусламж үйлчилгээгээ 200 ортойгоор хүргэхээр боллоо.

Засгийн газрын 100 хоног ажлын хүрээнд Амгалан амаржих газраар үйлчлүүлэгчид төрөхийн өмнө болон дараа нь гэр бүлийнхэнтэйгээ дэлгэцээр харьцах боломжтой болжээ. Ийнхүү зориулалтын харилцах өрөөг тохижуулж өгсөн иргэд талархалтай байна.

Эрүүл мэндийн яам