ШУТИС-ын удирдлагууд сургалтын төлбөрөө үндэслэлгүй нэмсэн

 ШУТИС-ийн Төлөөлөн удирдах зөвлөл хуралдаж сургалтын төлбөрөө нэмэх шийдвэр гар­гажээ. Ингэхдээ сур­гуу­лийнхаа оюутны зөвлөлд мэдэгдэлгүйгээр нэмсэн аж. Тиймээс тус сургуулийн оюут­ны зөвлөл эсэргүүцэж бай­гаагаа өчиг­дөр хэв­лэлийнхэнд мэ­дэгдлээ.

Боловролын  тухай     хуульд ТУЗ-ийн дөрвөн оюу­т­ныг хамт олноороо сон­гоно гэсэн заалт байдаг бол энэ удаад ТУЗ-ийн оюут­нуу­дыг хуулийн дагуу бус багш нар өөрсдийн гэсэн оюут­нуудаас сонгон ТУЗ-ийн хуралд оролцуулсан уч­раас ШУТИС-ийн Оюутны зөв­лөл төлбөрийн  нэ­мэгд­лийн талаар ямар нэгэн  мэ­дээлэлгүй байгаагаа хэлэв.

Энэ талаар ШУТИС-ийн оюутны зөвлөлийн тэргүүн Б.Мягмардорж “Манай сур­гуулийн удирдлагууд төлбөр нэмсэн байдлаа инфляци болон шинэ   лаборатори бай­гуулах гэж байгаатай холбон тайлбарлаж байгаа. Гэхдээ одоогийн байдлаар инфляци 8.3 хувьтай байна. Оюутны дотуур байрны төлбөр 70-100 мянгаар нэмэгдсэн гэж байгаа боловч дотуур байрны төлбөр 150 хувиар нэмэгдсэн. Гэвч дотуур байр­ны орчин нөхцөл сайн биш байдаг хэрнээ ингэж нэ­мэгдсэн нь оюутнуудыг хохироож байна.  ШУТИС-ийн захирал Д.Одхүү одоог хүртэл оюутны зөвлөлтэйгөө уулзаж ямар учраас нэмсэн, юунд зарцуулагдах талаар ярьж хэлэлцээгүй байгаа“ гэв.

Гурван  жилийн  хуга­цаанд 46 хувиар нэмэгдсэн ШУТИС-ийн төлбөр нь сургуульд зарцуулагдсан ч оюутнуудын сурах орчин, амьдрах дотуур байранд нь огт хүртээмжгүй байдагт оюутнууд дургүйцэж байна.

ШУТИС-ийн оюутны зөв­лөлөөс сургуулийн  за­­хиргаа болон БШУЯ-нд ийнхүү эсэр­гүүцлээ  илэрхийлж,  сур­галтын төлбөрөө бууруулах шаардлага  хүргүүлээд бай­гаа аж.