“Намрын ногоон өдрүүд” экспо 18-24-ны өдрүүдэд болно

 Засгийн газраас жил бүр зохион байгуулдаг “Намрын ногоон өдрүүд” үйл ажил­лагаа энэ сарын 18-24-нд болох гэж байна.

Шинэ ур­гацын ногоог нийслэлийн иргэдэд хямд үнээр хүргэх, нөгөө талаасаа ногоочдын бүтээгдэхүүнийг зах зээлд өргөнөөр ний­лүүлэх зорилго бүхий уг үйл ажиллагаа энэ жил арай өвөрмөц байдлаар зохион байгуулагдах гэнэ.

Тодруулбал “Алтан на­мар-2013” шинэ ургацын баяр, “Эрүүл хүнс-2013” хүнсний бүтээгдэхүүний үзэс­гэлэн худалдаа, “Шил­мэл мал-2013” зэрэг үндсэн гурван хэсгээс бүрдэх аж. Ургацын баяр, үзэсгэлэн худалдаа “Дүнжингарав” худалдааны төвд болох бол “Шилмэл мал” үзэсгэлэн худалдаа Хүй долоон худагт болох юм бай­на.

“Шилмэл мал” үзэсгэлэн худалдаагаар шилмэл малыг дуудлага худалдаанд оруулж, үнэ хаялцуулах, малын тэжээл, эм, ном товхимлын худалдаа болж, төгсгөлд нь оролцогч, аж ахуйн нэгж байгууллага, жижиг дунд үйлдвэрлэл эрхлэгчдийн шилд­­гийг шалгаруулах ёс­­­лол болохоор товлогджээ.