Ким Жон Ун, Дональд Трамп нар бие биенийгээ доромжлов

АНУ-ын Хойд Солонгосын удирдагч нарын хэл амны тэмцэл хурцадсаар байна. Тухайлбал өнгөрсөн долоо хоногийн эхээр НҮБ-ийн чуулганд оролцох үеэрээ АНУ-ын ерөнхийлөгч Дональд Трамп хэлэхдээ “пуужинтай хүн, ” гэсэн утгатай үгээр хочилсон бол Ким Жон Ун хариуд хөгшин зөнөг хэмээн бие биенийгээ хэл амаар доромжиллоо. Бямба гарагт Хойд Солонгосын гадаад хэргийн сайд Ри Ён Хо НҮБ-ын индэрт үг хэлэхдээ Трампыг “сэтгэцийн өвчтэй хүн” гэж хэлсэн.

Харин бямба гарагт Дональд Трамп дээрх үгэнд хариу барилаа. Твиттер хуудсандаа Трамп “Хойд Солонгосын гадаад хэргийн сайдын НҮБ-д хэлсэн үгийг сонслоо. Хэрвээ тэр Пуужинтай Жижигхэн Хүний үгийг давтаж байгаа бол тэд удаан оршихгүй болсон гэсэн үг” гэв. Энэ бүхнийг харж буй дэлхийн ажиглагчид тухайлбал ОХУ-ын Гадаад харилцааны сайд Сергей Лавров “цэцэрлэгийн хүүхдүүд”-тэй зүйрлэлээ.