Гоо сайхны хагалгаа хийлгэсэн бүсгүйчүүдийг хилээр нэвтрүүлсэнгүй

БНСУ-д гоо сайхны хагалгаа хийлгээд нутаг буцаж байсан Хятад бүсгүйчүүдийг хилээр нэвтрүүлээгүй талаар Dailymail.com сайтад онцолжээ. Тухайлбал гоо сайхны хагалгаа хийлгэсэн гурван бүсгүй Хятадад долоо хоног үргэлжилдэг намрын баяраар БНСУ-д гоо сайхны хагалгаа хийлгэн нутаг буцах гэтэл Гаалийн газраас тэднийг паспорт дах зурагтайгаа таарахгүй байна гэсэн шалтгаанаар саатуулжээ. Уг зураг хятадын сошиал сүлжээнд ихээхэн шуугиан тарьж гоо сайхны хагалгааны золиос хэмээн нэрийдэх болжээ. Сүүлийн жилүүдэд БНСУ-д гоо сайхны хагалгаа хийлгэхээр зоригсдын тоо нэмэгдэж байгаа бөгөөд энэ онд 79 мянган хүн гоо сайхны хагалгаанд орсон гэсэн судалгаа гарчээ.