Өглөө.мн Шинэ өглөө, Шинэ мэдээлэл
Саяхан Улаанбаатар Төмөр замын суудлын вагон депогийн үйлчлэгч зөвшөөрөлгүйгээр хилээр оруулахыг хориглодог мэс заслын утсыг оруулж ирэх гэж байгаад баригджээ. Тэрээр БНХАУ-д уйлдвэрлэсэн 90 хайрцаг буюу 1080 ширхэг мэс заслын утсыг галт тэрэгний үйлчлэгч нарын амрах өрөөнд байлгаж байсан байна.
Тэрээр Эрээн-Улаанбаатар чиглэлийн галт тэрэгний үйлчлэгч бөгөөд түүний энэ хэргийг Замын-Үүд дэх гаалийн улсын байцаагч нар илрүүлж, таслан зогсоосон байна.
Тус үйлдлийг Төмөр замын цагдаагийн хэлтсийн Мөрдөн байцаах тасаг, Тээврийн прокурорын газар эрүүгийн хэрэг үүсгэж шалгасан ч учирсан хохирлын хэмжээ эрүүгийн хэргийн хохирлын хэмжээнд хүрээгүй тул хэрэгсэхгүй болгосон байна. Энэхүү үйлдлийнх нь төлөө үйлчлэгчид захиргааны арга хэмжээ авахаар болжээ.
