Өглөө.мн Шинэ өглөө, Шинэ мэдээлэл
Рок попынхон дундаа хамгийн менежмент сайтай дуучин хэмээн нэрлэгддэг дуучин Ану БНХАУ-ын AFMA сангаас жил бүр зохион байгуулдаг “Fashion Asia 2013” наадмын Азийн хамгийн загварлаг дуучин номинацид өрсөлдөж байгаа ажээ.
Тэрээр тус номинацын сүүлийн шатанд шалгаран үлдээд байгаа бөгөөд түүнтэй Камбож, Шри Ланка, Тайваний дуучид өрсөлдөж байгаа гэнэ. Мөн уг наадамд манай орноос загварлаг нүүр будагч номинацид О.Наранбилэг, загварлаг дизайнер номинацид Г.Цас, загварлаг засал чимэглэлчин номинацид Б.Номундарь, загварлаг гэрэл зурагчин номинацид н.Мөнх-Эрдэнэ нар өрсөлдөж байгаа аж.
