Өглөө.мн Шинэ өглөө, Шинэ мэдээлэл
Өмнөговь аймгийн Цогтцэций суманд 9 мянга гаруй иргэн амьдарч, ажлын шаардлагаар байнгын бус 30 мянган хүн оршин сууж зорчдог тухай судалгаа байна.
Хүн амын төвлөрөл, автомашины хөдөлгөөнийг дагасан хог хаягдал тус бүс нутагт ихсэж, үүний уршгаар эрүүл мэнд, агаар орчны бохирдол тулгамдсан асуудал болсныг сумын удирдлагууд учирлах болсон. Энэ асуудлыг шийдвэрлэх саналын хүрээнд “ЭТТ” ХК-иас эхний ээлжинд Цогтцэций суманд 200 орчим сая төгрөгийн үнэ бүхий Howo sinotruck хог хаягдлын машин хүлээлгэн өгчээ.
Тус машин нь манай орны нөхцөлд тохирсон хог тээвэрлэх зориулалтын сүүлийн үеийн тоноглолтой, хог хаягдал шахах гидро ситемтэй, 8000 кг-ийн даацтай юм байна.
