Жулия Робертс: Би гэр бүлгүйгээр амьдарч чадахгүй гэдгээ эн­дээс мэдэрсэн

Холливудын нэрт жүжигчин Жулия Робертс өдрөөр бус, хором хормоор улам сайхан болсоор. Яагаад гэвэл тэр амьдралынхаа мөч бүрийг хайртай нөхөр, хүүхдүүдтэйгээ өнгөрүүлж байгаа билээ. Харин сүүлийн үед тэрбээр гэр бүлийнхээ тайван амьдралд хоргодон суусангүй. Энэ талаар Жулия “Олон жилийн дараа анх удаа гэрээсээ ийм хол явж байна” хэмээх аж. Учир нь Жулия “Наймдугаар сар: Осейж гүнлэг” кинонд тоглосон юм.

-Та “Цасан цагаан: Одой­нуудын өшөө авалт” кинонд хорон санаат хатан хаа­­­ны дүрд тоглодог. Энэ ки­ног цаг нь болоогүй гээд хүүх­­­­­дүүддээ үзүүлээгүй гэ­сэн. Харин “Наймдугаар сар: Осейж гүнлэг” киногоо тэ­­дэнд үзүүлсэн үү?

-Одоохондоо үзүүлээгүй. Манай ихрүүд болох охин Хэйзел, хүү Финнеус нар саяхан есөн нас хүрсэн. Генри хүү дөнгөж зургаатай. Тийм болохоор тэд ийм кино үзэх хэмжээний том болсон гэж бодохгүй байна. Гэр бүлийн хэрүүл шуугиантай кино үзүүлж, тэднийг шарх­луулахад эрт байна шүү дээ. Харин өсч том болохоор нь заавал хамтдаа үзнэ ээ. Үүнд юундаа ч яарах билээ.

-Үнэхээр ч сэтгэл эмзэг­лүүлэм зүйл кинонд зөндөө бай­сан шүү. Та Мерил Стри­пийг яаж өргөж чадав аа. Айм­­­шиг­тай санагдаагүй юу?

-Аймшигтай байсан. Би түүнийг өвтгөчих вий гэж айсан.

-Мерил гэр бүлийн оройн хоолны үеэр таны болон эг­чийн тань тухай бузар бу­лай юм ярьснаас болж та маш их уурлаж, зоддог шүү дээ. Энэ хэсгийг олон удаа давт­сан уу?

-Харамсалтай нь хэтэр­хий олон давтсан. Бүтэн өдөр­­жин энэ хэсгийн зур­гийг авч билээ. Үүнээс болж бие биеэ маш их хөхрүүлж, шалбалсан. Би хөхөрч няцрах болгондоо “Бурхан минь, да­хиад нэг шалбархай. Энийг хар даа” гэж байхад Мерил энэ тухай огт ам нээгээгүй шүү. Чимээгүй л цохиулаад хавдсан гараа мөстэй хувинд хийгээд зогсож байсан. Ме­рил надаас илүү хүчтэй, жинхэнэ тулаанч юм билээ. Зураг авалтын дараа бид бие биенээ тэвэрч, энэ өдрийг инээм­сэглэлээр үдэхийг хи­чээсэн.

-Та олон асуудалтай тул­гарсан эмэг­­­тэйн дүрд тог­ложээ. Харин таны амьдралд бүх зүйл гайхал­тай сайхан байгаа. Аз жаргалаар гэрэл­тэж буй энэ үедээ азгүй эмэг­­тэйн дүр бүтээх хэцүү байгаагүй юу?

-Маш хэцүү. Энэ гэр бү­лийн бүх гишүүн аз жар­галгүй, гутарсан. Хоорон­доо таагүй харьцаатай, яг л гал­­зуурсан юм шиг байдаг. Тий­мээс зураг авалт хүнд байлгүй яах вэ. Дээр нь би нөхөр, хүүхдүүдээ маш их санасан. Сүүлийн үед бид хэд хэдэн цаг ч салаагүй юм билээ.

-Гэтэл энэ удаа есөн долоо хоног саллаа. Оклахомад зу­раг авалттай байсан энэ үе хэр хурдан өнгөрсөн бэ?

-Надад есөн жил болсон юм шиг л санагдсан. (Инээв.) Азаар нөхөр бид хоёр нэгэн зэрэг ажиллахгүй байх төлөвлөгөө гаргадаг нь оно­сон. Бид хоёрын нэг нь гэртээ хүүхдүүдтэйгээ заавал хамт байх ёстой гэсэн үг. Би анх удаа зураг авалтаар гэрийнхнээсээ хол удаан байж үзлээ. Тэднийгээ маш их санадаг байсан болохоор Нью-Мексико муж руу долоо хо­ног болгон нисдэг байж билээ. Би гэр бүлгүйгээр амьдарч чадахгүй гэдгээ эн­дээс мэдэрсэн. Гэр бүл бол миний амьдралын хамгийн чухал зүйл.

-Гэр бүлийн аз жаргалаа та тийм ч хурдан олоогүй. Харин Дэнни яг танд то­хирох эр хүн гэдгийг яаж ойлгосон бэ?

-Заримдаа оюун ухаан ч юм уу, аль нэг түвшнээрээ ижилхэн ч сэтгэл санааны хувьд таарах­гүй байх нь бий. Эсвэл танд түүний үзэл бодол, хошиг­нол зэрэг нь таа­лагдахгүй байж болно шүү дээ. Харин Дэн­ни бол яг миний сэтгэлд таар­сан, бүх зүйл нь нийцсэн хүн. Би түүний хөлийн чи­мээг сон­соод л хацраа үрээд, чим­хээд эхэлдэг. Дэнни бид хоёрын гэр­лэлт миний амьдралын хам­гийн зөв шийдвэр байсан гэж боддог. Тэр бол миний цо­рын ганц хайртай эр хүн.

-Танайх гэртээ ямар ч хэрүүл шуугиан байдаггүй хэмээн хэлж байсан. Тийм болохоор энэ кинонд таныг айх­тар хэрүүлч авгайгаар ха­рахад сонин санагдсан?

-Тийм ээ. Ялангуяа загас­тай зураг авалт хамгийн тү­рүүнд санаанд орж байна. Яагаа вэ, би ээждээ загас идүү­лэх гэж албаддаг хэ­сэг. Түүнийг ятгах ямар ч боломжгүй. Яагаад гэ­вэл тэр хоолойн хорт хавдар­­тай, өвчин намдаах эм зам­ба­раагүй хэрэглэдэг, бие муутай, бас ааштай. Энэ үеэр би “Fuck” гэдэг үгийг бараг 50 удаа давтдаг байх.

Харин амьдрал дээр хэзээ ч ингэж байгаагүй. Тэр ч бүү хэл “Эрин Брокович” гэ­дэг киноны зураг авал­тын үеэр найруулагч Сти­вен Содерберг надад “Жу­лия. Хэрвээ хараалын үг хэлс­нийхээ дараа чиний нүүр улайдаггүй бол илүү үнэм­­­шил­тэй жүжиглэлт гар­на даа” гэж хэлж байсан удаа­тай. Үнэхээр ч би улайх­­­гүйгээр хараал хэлж чад­­­даг­гүй. Тийм болохоор өөр­­тэй­гөө байнга ажиллах хэрэг гардаг. Мэдээж дүрд хувилахын тулд ийм том гарз гаргаж байна шүү дээ. (Инээв.) Хамгийн аймшигтай нь зураг авалт дууссаны дараа өөрийн эрхгүй “Хэн нэгэн надад чөтгөрийн кофе авчирч өгөх нь үү” гээд л эхэлдэг.

-Энэ дүрээрээ “Оскар” хүртчих юм биш биз?

-Сайхан л байна. Би жү­жигчин хүн болохоор бу­сад жүжигчид шиг амны бэлгэтэй үгэнд дуртай. Бас “Оскар”-аас ч татгалзахгүй шүү. Харин интернэтээр мэдээ мэдээлэл, ялангуяа өө­­рийнхөө тухай унших дур­гүй. Тэндээс л ямар нэгэн тэнэг зүйл олж харчихаад бү­тэн өдөржингөө хямрах нь бий. Интернэт надад яг л хүүхдүүдэд өгдөг хөвөн чи­­­хэр шиг л санагддаг.

-Хэрвээ хүүхдүүдийн тань нэг нь жүжигчин бол­но гэвэл ямар зөвлөгөө өгөх вэ?

-Миний ажил надад таа­лагддаг. Гэхдээ хүүхдүү­дээ ийм мэргэжилтэй болгох гэж албадахгүй, тэдний хү­сэл сонирхлыг харгалзана. Бас Натали Портманы ээж рүү утасдана. Натали бол маш сайн жүжигчин, бас гайхал­тай мэдрэмжтэй, ухаалаг бүс­гүй. Тэрбээр эцэг эхийнх нь сайшаасан хүмүүстэй л хамтарч ажилладаг гэж бай­­сан. Бас тэр суралцахад нь саад болохгүй нөхцөлд л ки­нонд тоглодог.

Гэхдээ би одоохондоо хүүх­дүүдээ гаднаас гэр рүүгээ хөлстэй, шавар шав­хайтайгаа хутгалд­чихсан, нар салхи үнэртүүлсээр орж ирж байгаасай гэж хүсч бай­на. Тэд минь хүүхэд насны хам­гийн сайхан, энгийн бүх­нийг мэдрээсэй.

-Та өөрөө тийм ч тансаг амьдралд өсөөгүй гэдэг. Хү­мүүс хүүхэд байхдаа авч чадаагүй зүйлээ том болоод хүүхдүүддээ эдлүүлэх гэж хичээдэг гэж ярьдаг. Ийм эцэг эхчүүд хүүхдүүдээ хэ­тэр­хий эрхлүүлдэг шүү дээ. Танд ийм асуудал гарч бай­на уу?

-Нөхөр бид хоёр хүүх­­­дүүдээ аль болох эрхлүү­лэх­­гүйг хичээдэг. Манай хүүх­­дүүд ч бид хоёрыг маш ха­­­туу ээж аав гэж боддог байж магадгүй.

-Танд аз жаргалтай байх олон шалтгаан бий. Ажил үйлс тань бүтэмжтэй, гэр бүл тань аз жаргалтай, хайр­­тай хүүхдүүд, сайн най­­­зууд­тай гээд л. Аль нь танд илүү их аз жаргал ав­­чир­­даг вэ?

-Эргэлзэх юмгүй гэр бүл.

-Та одоо ч үнэхээр гай­хал­тай харагдаж байна. Өөр­төө байнга ар­чаатай ханд­­­­дагийнх уу, эс­вэл тө­рөлхийн ийм юм уу?

-Баярлалаа. Би ч царайлаг аав ээжтэй, азтай хүн шүү. Би нүүрээ бараг буддаггүй, ажлын шаардлагаар л хааяа буддаг. Намайг будчихаар хүүх­дүүд маань хүртэл таньдаг­гүй гээд бод доо. (Инээв.) Бас би маш их зав­гүй хүн.

-Тэгээд спортоор хичээл­лэж, хоолны дэглэм сахих гээд юу ч хийдэггүй гэсэн үг үү?

-Би биеийн тамираар хи­­чээл­лэж, гүйдэг. Гэхдээ үүний 97 хувь нь ген гэж боддог. Өөрийгөө арчлах, фитнесээр хичээллэх, хоол­ны дэглэм сахих зэрэг утга­гүй зүйлд хууртагдах хэрэг­гүй. Миний хувьд дургүй амт­тан, жигнэмэг, бялуу гэж байдаггүй.

-Мерил Стрип кинон дээр “Эмэгтэйчүүд жил ирэх ту­сам улам царай алддаг” гэж хэлдэг. Та үүнийг хү­лээн зөв­шөөрдөг үү?

-Намайг хараад юу гэж дүгнэхээ өөрсдөө шийд л дээ. (Инээв.) Нас ахих тусам хүн юу мэдэрч байна, түүн шигээ л харагддаг гэж би боддог. Аз жаргалтай хүн илүү сайхан харагддаг. Бас бүгд л хөгширдөг. Үүнээс зайлсхийх аргагүй. Саяхан би 46 хүрсэн. Энэ тоо надад маш сайхан санагдсан.