Өглөө.мн Шинэ өглөө, Шинэ мэдээлэл
Селена Гомезтой эргэн нийлж шуугиан тариад буй залуу од Жастин Биберийн Лос-Анжелес хотын Калабасас дахь гэрээс өчигдөр цагдаагийнхан мансууруулах бодис олжээ.
Гэвч эл мансууруулах бодистой Бибер ямар ч холбоогүй бөгөөд түүний дотны найз рэппэр Лил Затай холбоотой гэнэ. Учир нь цагдаа нар нэгжлэг хийх тухайн үед Лил За дуучны гэрт мансууруулах бодис хэрэглэж байгаад газар дээрээ баригдсан байна. Тиймээс цагдаагийнхан Биберийн гэрт сүүлийн хэдэн сарын турш амьдарч буй түүнийг баривчлан авч явжээ. Лил За ямар төрлийн мансууруулагч хэрэглэж байснаасаа шалтгаалан 1-3 жилийн хорих ялаар шийтгүүлэх юм байна.
Лос Анжелесийн цагдаагийнхан дуучин залуугийн гэрийг нэгжих болсон гол шалтгаан нь Лил За, Жастин Биберийн хөршүүд рүү өндөг шидэж, танхайрсанаас болсон гэнэ. Түүний эл танхайрлыг харсаар байсан хөршүүд нь цагдаад мэдэгдсэний улмаас ийн баригдсан ажээ.
