Гэмт хэрэг, зөрчлийн дуудлага буурахгүй байна

Гэмт хэргийн гаралт хот, хөдөөгүй буурахгүй байна. Зөвхөн нийслэл хотод энэ сарын 22-24-ний хооронд цагдаагийн байгууллагад ирсэн гэмт хэрэг, зөрчлийн дуудлага 5174-т хүрчээ. Мэдээж, эдгээрийг шалгаж буй. Гэмт хэргийн чанартай 139 үйлдлийг нь цагдаагийнхан шалгаад 112 хэргийн эзэн холбогдогчийг олж тогтоожээ.

Энэ өдрүүдэд нийслэлийн хэмжээнд бусдын биед гэмтэл учруулсан хэрэг 2, хулгай 38, дээрэм 4, булаалт 3, танхайн сэдэлтэй хэрэг 25, залилан мэхлэлт 1, мөнгөн тэмдэгт хуурамчаар үйлдсэн 1, зам тээврийн хэрэг 33 гарсан байна.  Мөн бэртэж гэмтсэн 40, ослын 14 хэрэг гарч, 3 хүн нас барсан байна.

Д.Үүлэн