Өглөө.мн Шинэ өглөө, Шинэ мэдээлэл
Эрчүүдийн хамгийн хүсэмжит бүсгүйчүүдийн эхний 10-т жил бүр багтдаг залуухан, халуухан жүжигчин бүсгүй Мила Кунис жирэмсэн гэдэг нь батлагджээ.
Тодруулбал, тэрээр жирэмсэн эхчүүдэд зориулсан иогийн дамжаанд хичээллэх болсон бөгөөд үргэлж хэлхэгэр цамц өмсөж, намхан ултай гутал өмсөх болсон юм. Мөн Эштон Катчер болон Мила нар тун саяхан дэлгүүр хэсэж байх үеэр папарацичдын дарсан хальсанд Мила Кунисын гэдэс мэдэгдэхүйц цүндгэр болсон нь харагдаж байгаа юм.
Мөн хосуудыг хүүхдээ төрөхөөс өмнө албан ёсоор эхнэр нөхөр болно гэсэн яриа ч гараад байгаа бөгөөд хэдэн сарын өмнөөс эхлэн Мила Кунисын ядам хуруунд бриллиантан шигтгээтэй сүйн бөгж гялтганах болсон билээ.
Эргэн сануулахад, Эштон Катчер болон Дэми Мур нар 2013 оны 11 дүгээр сарын эхээр албан ёсоор гэрлэлтээ цуцлуулсан юм.
