Б.Сэр-Од Токиогийн марафоноос хүрэл медаль хүртлээ

Японы Токио хотноо ням гаригт буюу гуравдугаар сарын 1-нд болсон “Lake Biwa Marathon” тэмцээнд Гавьяат тамирчин Б.Сэр-Од хүрэл медаль хүртлээ. Энэ марафонд Кенийн Самуэль Ндунгу 2.09.08 цагийн амжилтаар түрүүлж, Италийн Даниэлэ Меуччи хоёрдугаар байрт оров.

Италийн тамирчны хувьд манай тамирчнаас 8 секундийн өмнө буюу 2.11.10 цагийн амжилтаар барианд оржээ. Японы тамирчдаас дөрвөн тамирчин топ аравт багтсан бөгөөд тэд 4-5, 8-10-р байрт орсон байна. Гавьяат тамирчин Б.Сэр-Од Азийн марафон гүйлтийн аварга шалгаруулах тэмцээнээс 2013 алт, 2008 онд мөнгөн медаль хүртэж, манай улсын түүхэнд тивийн анхны медалийг авчирч байсан. Мөн тэрбээр 2014 онд БНСУ-ын Инчён хотноо болсон Азийн их наадмын марафонд IV байр орсон юм.