Өглөө.мн Шинэ өглөө, Шинэ мэдээлэл
2015 оны 03 дугаар сарын 09-ний өдрийн 10 цагийн байдлаар:
МОНГОЛ УЛСАД:
Агаарын чанарын төлөв байдал, албан:
Өнгөрсөн долоо хоногийн хугацаанд агаарын чанарын хяналт шинжилгээний дүнгээр Улаанбаатар хотын гэр хороолол орчимд агаар “Дунд” зэргийн бохирдолтой, автозам, орон сууцны хороолол, үйлдвэрийн бүс орчимд агаар “Бага” зэргийн бохирдолтой байлаа (Хүснэгт 1).
Мал, амьтны галзуу, боом өвчин, албан:
• Хөвсгөл аймгийн Арбулаг, Мөрөн сумдад малын боом өвчин бүртгэгдэж, 5 үхэр боомоор өвчилсөн болох нь лабораторийн шинжилгээгээр батлагдсан байна.
• Говь-Алтай аймгийн Дэлгэр, Есөнбулаг, Халиун, Дундговь аймгийн Луус суманд мал, амьтны галзуу өвчин бүртгэгдэж, нийт мал өвчилсөн нь лабораторийн шинжилгээгээр батлагдсан байна.
Эх сурвалж: ОБЕГ
ДЭЛХИЙ ДАХИНД
Эбола вируст халдвар, дэлхий дахинд:
3 дугаар сарын 05-ны өдрийн шинэчлэгдсэн мэдээгээр дэлхийн 10 улс (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи)-д нийт 24035 хүн өвчилж, 9856 хүн (41%) нас барсан байна. 2дугаар сарын 25-аас хойш 240 шинэ тохиолдол, 303 нас баралт нэмэгджээ. Эрчимтэй тархалттай байгаа 3 улсад өнгөрсөн долоо хоногийн хугацаанд нийт 132 лабораториор батлагдсан тохиолдол бүртгэгдсэн байна.
Эх сурвалж: ДЭМБ
Ойрхи-Дорнодын Коронавируст халдвар, Германд:
Тус улсын иргэн 65 настай, эрэгтэй. 2 дугаар сарын 8-нд Арабын Эмират улсын Абу-Дабу хотоос ирсэн байна. 2 дугаар сарын 10-нд эмнэлзүйн шинж тэмдэг илэрч, эмнэлэгт хандаж, өвчтнөөс дээжилсэн сорьцод MERS-CoV вирусын ген эерэг дүнтэй тодорхойлогдсон байна.
