Самурайн илдээр дээрэмчдийг шархдуулжээ /хязгаартай 21-с дээш насныханд/

Аргентиний Кордоба мужид нэгэн гэр бүлийг гэртээ амарч байхад хэдэн залуус цонхоор нь дайран оржээ. Тэд гэр бүлийн хоёрыг өөр өөр өрөө рүү чирэн оруулсан байна. Энэ үед гэрийн эзэгтэй сандран хананд өлгөөстэй байсан самурайн илдийг авч залуус руу дайран илдээрээ зүсэж эхлэв. Энд тэндгүй цус болж шархадсан залуус машин руугаа зугтаажээ. Гэсэн хэдий ч жолоо барьж байсан залуу хяналтаа алдан замын хажуугийн хашлага мөргөн зогссон байна. Цагдаа нар ирж шархадсан гурван дээрэмчнийг эмнэлэгт хүргэсэн аж. Тэд маш ноцтой гэмтэл авсан ба үлдсэн нэг залууг эрэн сурвалжилж байна.

Б.Нарангэрэл