Өглөө.мн Шинэ өглөө, Шинэ мэдээлэл
Сүүлийн үеийн ухаалаг гар утаснуудын зай илүү удаан цэнэгээ барих болсон. Ялангуяа ашиглаагүй тохиолдолд 400-600 цаг буюу 16-20 хоног цэнэгээ барина. Харин ашигласан тохиолдолд 20 цаг буюу хоног хүрэхгүй хугацаанд цэнэгээ барина. Гар утсыг ашиглалгүйгээр хэрэглэнэ гэж бараг байхгүй. Баттерейний нас нь хэдэн удаа цэнэглэхээс шалтгаалдаг учир байн байн цэнэглэснээс болж амархан нурдаг. Та гар утасныхаа цэнэгийг удаан барих, баттерейг нь удаан ашиглах эдгээр аргуудыг хэрэгжүүлээд үзээрэй.
1. Сар ашиглаагүй аппликэшнүүдээ устга
Эдгээр аппликэшнүүд ашиглагддаггүй ч гэсэн цэнэг “идсээр” байдаг. Тиймээс хэзээ нэгэн цагт хэрэг болж магадгүй гэж хадгалдаг мөртлөө ашигладаггүй аппликэшнүүдээ устгах хэрэгтэй.
2. Ашигладаг ч гэсэн ард нь (background) ажиллаж байдаг аппликэшнүүдээ хаа
Олон аппликэшнүүд хэрэглээгүй байхад ард нь ажилласаар байдаг (faceebook, wechat, weather, хөгжим тоглуулагч г.м). Ашиглах шаардлагагүй үедээ эдгээр апп-үүдээ хаах хэрэгтэй.
iOS – Settings—>General—>Background App Refresh ороод хэрэггүй апп-үүдээ хаа.
Android – Settings—>Data usage—> “restrict background data” гэдгийг унтраах хэрэгтэй.
3. Ашиглаж байгаа апп-аа битгий хааж бай
“Бүх апп-уудыг хаах” гэдэг арга гар утасны цэнэгийг барих хамгийн шилдэг арга боловч ашиглаж байгаа үед бүр ч дордуулна. Учир нь ашиглаж байгаа апп-аа хааж, дахин эхнээс нь ачааллах нь цэнэг их иддэг. Зөвхөн хэрэглэхгүй апп-уудаа хаагаарай.
4. Мэдэгдэл буюу notification-нүүдийг болиул
Олон апп-ууд, ялангуяа мэдээний апп-ууд байнга notification явуулж байдаг. Тэдгээрийг болиулах хэрэгтэй.
iOS – Settings—>Notifications ороод хэрэггүй notification-үүдийг хаа
Android – Settings—>Sound & notification—>App notifications ороод хэрэггүй notification-үүдийг хаа
5. Утсандаа имэйл ирсэнийг байнга мэдэгдэх хэрэггүй гэж “хэл” /зөвхөн iPhone/
Шинэ имэйл ирлээ гэж байнга мэдэгдэх нь цэнэгийг амархан дуусгадаг нэг шалтгаан.
iOS – go to Settings—>Mail, Contacts, Calendars—>Fetch New Data. Turn off “Push” гэдгийг дарах хэрэгтэй.
6. Байрлал тодорхойлогчийг унтраа
GPS байнга ажиллаж байх нь цэнэг амархан дуусах нэг шалтгаан байдаг. Шаардлагагүй үед унтраах хэрэгтэй.
iOS – Settings—>Privacy—>Location Services.
Android – Settings—>General–>Location.
7. Дэлгэцний гэрлийн автомат тохируулгыг болиул
Гар утасны дэлгэцний гэрэл хамгийн их цэнэг иддэг. Түүний их идэлтийг багасгахын тулд дэлгэцний гэрлийг бүдгэрүүлэх хэрэгтэй. Дэлгэцний гэрлийн удирдлагыг зарим хүмүүс автомат дээр нь тавьсан байдаг учраас хэзээ тод болж хэзээ бүдэг болж байгааг мэддэггүй.
iOS – Settings—>Display & Brightness. Turn off Auto-Brightness.
Android – Setting—>Display, turn off Adaptive Brightness.
8. Вибраторыг унтраа
Вибратор нь дуут дохионоос (ringtone) илүү их цэнэг иддэг. Шаарлагагүй тохиолдолд унтраах хэрэгтэй.
iOS – Settings—>Sounds
Android – утаснууд өөр өөр байдаг. Ихэнх нь дуу намсгадаг/ихэсгэдэг дээрээ дарж байгаад вибраторын зурган дээр дарж орно
9. Унтах / Автоматаар түгжих тохиргооны хугацааг багасга
Хэрэглээгүй үед утасны дэлгэц ассаар байх нь цэнэг амархан дуусах шалтгаан болдог. Унтах / Автоматаар түгжих тохиргооны хугацааг богиносгож асуудлыг шийдэж болно.
iOS, – Settings—>General—>Auto-Lock.
Android – Settings—>Display—>Sleep.
10. Цэнхэр шүдээ /Bluetooth/ унтраа
Таныг “цэнхэр шүд”-ийг байнга ашиглаад байдаг гэж бодохгүй байна. Ашиглаагүй үедээ унтраахгүй явдаг байж ч магадгүй. Шалгаад үзээрэй. Таны утасны цэнэгийг “хазсаар” байгаа ч юм билүү.
iOS – дээрээс доош бууж ирдэг цэсэнд байгаа
Android – Settings—>Bluetooth
11. Дүүртэл нь цэнэглэж, дуустал хэрэглэх хэрэггүй
Нокиа утасны үед зайг дүүртэл цэнэглэж, дуустал ашиглах тухай зөвлөдөг байсан. Гэхдээ энэ зөвлөгөө 2007 оноос хойш бараг хэрэггүй больсон. Ухаалаг утсыг заавал дүүртэл цэнэглэх албагүй. Бас дуустал нь хэрэглэх хэрэггүй байдаг.
12. Сүлжээ барихыг анхаарах хэрэгтэй
Муу үүрэн телефоны сүлжээ, 3G, 4G эсвэл муу Wi-Fi сүлжээ ашиглах нь гар утасны цэнэгийг амархан дуусгадаг. Учир нь муу сүлжээг барихын тулд их цэнэг зарцуулдаг байна. Сүлжээ муутай газар утсаа асаалттай байлгахыг хүсвэл сүлжээнүүдээ хаах хэрэгтэй.
13. Цэнэг хэмнэх апп хэрэглэ (battery saver зөвхөн Android)
Сүүлийн үеийн утаснууд бүгд өөр дээрээ цэнэг хэмнэдэг апп-тай ирдэг болсон. Уг апп нь 20 хувь илүү удаан цэнэгтэй байлгадаг. Байхгүй бол татаж авах хэрэгтэй. Хэрэв ийм апп байхгүй бол Google Playstore-оос татаж авах хэрэгтэй.
Settings—>Battery
14. Airplane горим
Ямар нэгэн сүлжээ ашиглаагүй тохиолдолд Airplane горимд шилжүүлэх хэрэгтэй. Энэхүү арга нь цэнэг хэмнэхээс гадна илүү хурдан цэнэглэхэд ашиглаж болно.
Эх сурвалж:www.hiub.mn
