Улсын бүртгэлгүй эм бэлдмэлийг хураажээ

Мэргэжлийн хяналтын ерөнхий газраас зах зээлд худалдаалагдаж буй эм био бэлдмэлд  хяналт шалгалт хийж, хэд хэдэн зөрчил илрүүлсэн байна.

Дөрөвдүгээр сард 18 аймаг, нийслэлийн зургаан дүүргийн нутаг дэвсгэрт үйл ажиллагаа явуулдаг эм ханган нийлүүлэх байгууллага, эмийн сан, эмнэлэг болон биологийн идэвхт бүтээгдэхүүн худалдаалдаг нийт 315 аж ахуй нэгж байгууллагад шалгалт хийхэд хаяг шошгын зөрчил, хүчинтэй хугацаа дууссан, улсын бүртгэлд бүртгэгдээгүй эм бэлдмэл байсан нь тогтоогджээ.

Нийт 209 нэр төрлийн 4.919 сая төгрөгний эм бэлдмэлийг илрүүлж, Мэргэжлийн хяналтын байцаагч нар эрхийнхээ хүрээнд хураах устгах, үйлдвэрлэгчдэд нь буцаан өгөх арга хэмжээ авчээ.