Өглөө.мн Шинэ өглөө, Шинэ мэдээлэл
Дауны синдромтой 25 настай бүсгүй маань өөрийн хайр, аз жаргалыг олон хуримаа хийжээ. Түүнийг Жиллиан гэдэг бөгөөд өөртэйгээ адил өвчтэй Риантай 10 жил үерхсэн байна. Жиллиан нь Хойд Кентукигийн их сургуульд ажилладаг ба түүний хурим 2 цаг гаруй үргэлжилж 160 гаруй зочид хүрэлцэн ирсэн аж. Жиллиан хэлэхдээ “Дауны синдромтой гэдэг нь тэд галзуу тэнэг гэсэн үг биш. Бид зүгээр л бусдаас арай удаан л юмыг ойлгож, удаан л хийдэг. Бид үүгээрээ л бусдаас ялгаатай. Бусад зүйлээрээ бид бусадтай л адил инээж хөхрөх, найзуудтайгаа зугаалах, мөрөөдөх дуртай. Өнөөдөр миний хамгийн жаргалтай өдөр. Би Риантай одоо өөр амьдралаар амьдарч, өөр замаар алхах болно” гэжээ. Түүний аав хуримыг зохион байгуулж өгсөн байна. Жиллианы аав Паул ” Би охиноо том болсоныг одоо л мэдлээ. Тэр хүнтэй суух нас нь болчихож. Би түүнийг ийм хурдан өсөж амьдрал зохионо гэж төсөөлөө ч үгүй байлаа гэсэн юм. Ингээд түүний хамгийн гайхалтай өдрийн зургуудыг хүргэе.
Б.Нарангэрэл
