Өөртөө итгэлтэй “Super girls” хамтлаг

“Монгол” ТВ-ээс анх удаагаа албан ёсны эрхтэйгээр зохион байгуулж байгаа “Авьяаслаг монголчууд” шоунд бахархмаар, инээмээр, гунигламаар, уйлмаар үзүүлбэртэй олон оролцогчид байх юм. Тэдний нэг бол “Super girls” хамтлаг. Дөрвөн шүүгчид өнөөх айхтар чимээтэй “базараа” дөрвүүлэнг нь дарснаар охидын хамтлаг хасагдсан. Хэдийгээр үзүүлбэр нь гавьтай сайн биш ч тэдний өөртөө итгэлтэй байдал үнэхээр гайхалтай санагдсан. Өсвөр насны гэнэн хүсэл мөрөөдөлдөө хөтлөгдөн хамтлаг байгуулсан бүжигчин охидын өөртөө итгэх итгэлийг нь юу ч зогсоож чадахгүй бизээ. Яагаад гэвэл итгэл байгаад хөдөлмөрлөж чадвал юуг ч бүтээж чадах билээ.