Өглөө.мн Шинэ өглөө, Шинэ мэдээлэл
Эмэгтэйчүүд та бүхэн үргэлж сэтгэл татам сайхан байх ёстой, гэхдээ үүнийг хэтэрхий төвөгтэй болгож болохгүй. Ямар ч тохиолдолд өөрийгөө хамгийн сайхнаар харах ухаалаг загварын санаануудтайгаар та амьдралаа илүү хялбар болгож чадна. Үүнд таны стилл, биеийн галбир, хувийн шинж чанар зэргээс шалтгаалах зарим ялгаа бий, гэхдээ эдгээр зөвлөгөөнүүдийн ихэнх нь ямар ч эмэгтэй хүнд тус болох болно.
1. Хуучин зүйлсийг хаях ёстой.
Энэ бол таны эхлэх ёстой газар – хэрэв та үүнийг хийхгүй бол ямар ч өөрчлөлт гарахгүй. Хувцасны шүүгээгээ онгойлгоод хувцаснуудаа сайн ажиглаж хар. Та өөрөөсөө нэгэн энгийн асуултыг асуух хэрэгтэй – хэрэв та яг одоо дэлгүүрт байсан бол, аль алийг нь худалдан авах байсан бэ? Энэ бол таны нэг удаа заавал тоглож үзэх хэрэгтэй тун үр дүнтэй тоглоом шүү. Хэрэв та хувцасны шүүгээнийхээ өмнө цагаа үрэхийг хүсэхгүй бол, таны сонголт цэвэрхэн бөгөөд өнгөний хувьд зохимжтой байх хэрэгтэй – хуримтлуулсан хувцас үргэлж замбараагүй байдал үүсгэдэг. Бүх хувцаснуудаасаа та алийг нь хаях, алийг нь хүнд өгөх вэ гэдгээ шийдэх хэрэгтэй. Энэ арга танд сэтгэл амар, сайхан мэдрэмж төрүүлэх болно.
2. Том үйл явдалд бэлдэж байна уу? Төлөвлөгөөтэй дэлгүүр хэс.
Та ямар нэгэн үйл ажиллагаанд зориулж хувцас авахаар шийдсэн бол, та мэдээж яг тохирсон хувцас хайж маш их цаг үрэх болно. Үр дүнтэй бөгөөд сэтгэл хангалуун сонголт хийхийн тулд , та дэлгүүр хэсэхдээ тохиромжтой үс засалт, нүүр будалт хийлгэж, зохимжтой гутал өмсөх хэрэгтэй. Мөн та дотуур хувцсандаа анхаарал хандуулахаа мартаж болохгүй, учир нь та дотуур өмднийхөө ирмэгэнд анхаарал хандуулахгүйгээр даашинзныхаа үзэмжийг бүрэн олж харж чадахгүй.
3. Ноолууран хэрэглэлийнхээ эдлэгээг уртасга.
Хувцасныхаа эдэлгээг уртасгахын тулд чанартай зүйлс худалдан авах. Ноолууран материал нь чанаргүй ноосон цамцнаас илүү сайхан харагддаг. Чанаргүй ноосон эдлэл бөөсөрч, будаг гарч, өнгө хэлбэрээ амархан алддаг бол, ноолууран эдлэл таны арчилгаанаас хамаарч үргэлж, үнэтэй бөгөөд сайхан харагдана. Зөвхөн ноолуур гэлтгүй бүх чанартай материал бүхий хийц загвар сайтай хувцасны эдэлгээ илүү удаан байдаг. Энэ нь та чанаргүй муу зүйл худалдан авснаараа харин ч илүү төлнө гэсэн үг юм.
4. Шинэ гутлаа өвчингүйгээр сунгах
Чухал өдрийг тань үнэхээр хүнд болгодог холголтоос зайлсхийх хэд хэдэн арга бий. Эдгээр асуудлуудын ихэнх нь өндөр өсгийтөөс үүдэлтэй байдаг, зөв үү? Одоог хүртэл, би янз бүрийн арга туршиж үзсээр байдаг бөгөөд хамгийн үр дүнтэй аргуудын нэг бол хөлдөөгч, итгэнэ үү байн уу өөрөө л мэд. Та 2 савтай ус дүүргэж хөлдөөгөөд, гутлан дотроо байрлуулаад шөнийн туршид хөлдөөгчинд байлгавал, өглөө нь том өөрчлөлтийг харах болно. Туршаад үзээрэй бүсгүйчүүдээ…
5. 2 секундэд гангал
Өдөр хэрвээ арай урт байсан бол бид үүнийг илүү бодитой үнэлэх байсан боловч, танд маш хурдан гангалах бүх төрлийн олон зөвлөгөөнүүдийг ашиглахыг санал болгож байна. Эрвээхий зангиа бол үргэлж сайхан сонголт байх болно.
6. Хүрэм худалдаж авахдаа ухаалаг бай.
Хүрэм, пальто, пиджак худалдан авахад цорын ганц дүрэм бий – таны мөрөнд таарч байх ёстой. Хэрэв танд таалагдсан ч, мөрөөрөө том эсвэл хэт бариу байвал түүнийг дэлгүүрт нь үлдээ. Учир нь та чадварлаг оёдолчин байсан ч үүнийг өөрчлөхөд тун хэцүү байх болно.
7. Биеэ ил гаргах дүрэм
Дүрмийн талаар ярихад, бид заавал биеэ ил гаргах талаар дурдах хэрэгтэй. Энэ тун энгийн – нэг удаа биеийнхээ нэг хэсгийг л гаргах. Тиймээс хэрэв та цээжээ ил гаргаж байгаа бол богино банзалтай хослуулах хэрэггүй. Таны сэтгэл татам байдал хэр их нүцгэлэхээс хамаарах ёсгүй. Бяцхан нууц нь гэвэл аль хэсгээ яаж гаргах вэ гэдэг дээр мэдрэмж сайтай байх хэрэгтэй.
8. Өөртөө хатан мэт ханд
Гоо үзэсгэлэн гэдэг эрүүл мэндтэй таны бодож байгаагаас илүү холбоотой. Амралттайгаар өөртөө анхаарал хандуулж эхэл – таны нэг өдрийн үүрэг хариуцлага хэр их байх нь хамаагүй, тэднийг хийхийн тулд та шаардлагатай унтах цагаасаа хумслах ёсгүй. Та “beauty sleep” гэдэг зүйлийн талаар сонсож л байсан байх, та үүнийг домог биш гэдгийг мэдэх хэрэгтэй. Тиймээс цэвэр торгон ор хөнжлийн даавуу хэрэглэж, гоо сайхан болоод эрүүл мэнддээ хөрөнгө оруулаарай.
9. Өөртөө зориулж хувцаслалтанд цаг гарга
Зарим хүмүүс яаж яг тохиромжтой хувцаслаж чаддагийг та мэдэх үү? Үүнд ямар ч нууц зүйл байхгүй бөгөөд үнэндээ та зүгээр л өмссөн зүйлийнхээ талаа илүү анхаарал хандуулж бодох хэрэгтэй. Эдгээр нь таны биеийн галбираас хамаарна – зөв аргаар өөрийн биеийн онцлогийг чимэх хандлагатай байх хэрэгтэй. Жишээлбэл, V хоолойтой зүйл өмсөх нь таны биеийг илүү урт харагдуулна, харин задгайдуу зүйл нь таны хөлийг урт харагдуулдаг. Хувцаслалтаар хэрхэн биеийнхээ төгс бус хэсгүүдийг сайхан харагдуулахад суралцаарай.
10. Жинс тань асуудал үүсгэж байна уу?
Та жинсгүйгээр загварлаг хувцасны цуглуулгатай болж чадахгүй боловч танд төгс тохирсон чиг хандлагыг тэнцвэртэй байлгахад тун хэцүү. Жинс худалдан авах эхний дүрэм бол жаахан жижгдүүлж авах – учир нь ихэнх жинс 2 угаалтын дараа л суначихдаг. Хэрэв таны өдөр тутмын хувцаслалтанд ихэвчлэн жинс багтдаг бол, та цавууны буутай байх шаардлагатай. Энэ бол өөрийн дуртай жинсээ тохируулан чимэглэх энгийн арга. Хэрвээ оёдолчин орох шаардлагатай бол өмнө 2 дахин угаасан байх хэрэгтэйг санаарай. Өөр нэгэн зөвлөгөө – таны жинсний зах яг гутлын чинь дээд хэсэг хүртэл л байхад хангалттай.
11. Үнэр дарагч, толбо, makeup ул мөргүй байх
Тэдгээр бүх толбоны төрлүүд зөвхөн үзэмжгүй байхаас гадна, угаахад төвөгтэй. Толбонуудаас зайлсхийхэд хэр ихийг төлөхөд санаа зовох хэрэггүй, тэднийг хараад үргэлж тээртэй мэдрэмж төрдөг. Тийм биз дээ? Илүү үнэтэй материал дээр толбо үүсвэл, би шууд танд бохирдсон хэсгийг бүлээн усаар угаахыг зөвлөж байна. Хэрэв энэ тус болохгүй бол, ямар нэг угаалгын бодистой усаар чийглээрэй. Шинэхэн толбонуудын ихэнх нь багахан чийг нэвчсэн жижиг алчуураар үрэхэд арилна.
12. Тод өнгө бүхий аксесуар
Аксесуар буюу нэмэлт тоноглол бол таны хувцаслалтанд хувийн онцлогийг шингээж өгдөг. Аксесуар бол таны стиллийн чухал хэсэг. Ихэнх гадуур хувцас завсрын өнгөтэй байдаг, тийм ч байх хэрэгтэй бөгөөд та түүнийг тохиромжтой ямар нэг зүйлтэй хослуулж болно. Тиймээс та аксесуар худалдаж авахдаа, илүү хурц тод, чөлөөтэй өнгөтэйг сонгох хэрэгтэй. Мөн сувд, гинж, өд гэх мэт янз бүрийн материал холилдуулахаас санаа зовох хэрэггүй. Зарим хүмүүс аксесуарыг хэрэгсэхгүй орхих хандлагатай байдаг – өөрийн сонголтоороо, хувцаслалтандаа нэг аксесуар хэрэглээрэй. Үүнд ямар нэгэн оёдолчны ур чадвар шаардлагагүй бөгөөд ямар ч төсвөөр үүнийг хийж болно. Та өөрийн хувцаслалтаа аксесуар ашиглан хэрхэн төгс харагдуулахаа мэддэг байх хэрэгтэй, тиймээс гайхалтай санаануудтай байхад цаг гаргаарай. Мөн тунг нь тааруулахаа мартуузай.
13. Ороолтуудыг нөөцлө
Аксесуарын талаар ярихад хамгийн чухал зүйлийн нэг бол яах аргагүй ороолт. Ороолтууд өнгө, хэлбэр, хэмжээ, загвараараа маш олон төрөл байдаг учраас та тэндээс өөрт таалагдсанаа олж чадна гэдэгт итгэлтэй байж болно. Ороолт бол аксесуар хийх хамгийн хурдан арга бөгөөд зохицуулж чадвал ямар ч хувцсыг сая доллар шиг харагдуулж болно.
14. Үдшийн зугаандаа зохимжтой хувцасла
Та хувцаслалтын санаагаа болгоомжтой сонгохгүй бол, та хэдэн минут тутам хувцсаа янзалсаар, таатай хөгжилдөх боломжгүй болно. Эхлээд өөрт тохиромжтой гутлуудыг сонгож, дараа нь гутлан дээрээ бусад зүйлсийг түүнд тохируулах нь зүйтэй. Бүх зүйл хоорондоо төгс зохицож байгаа эсэхийг сайн нягтал. Мөн чанартай бөх цүнхийг авч явахыг санал болгож байна .
15. Тодорхой хязгаар бүхий төсөвтэй бай.
Дэлгүүр хэсэхэд хамгийн хэцүү хэсэг бол хангалттай эсэхийг шийдэх. Энэ нь худалдаж авсан зүйлсээ авч явахаас илүү хэцүү боловч, та бяцхан төлөвлөгөө гаргаж чадвал, бүх зүйлийг шийдэж чадна. Хоёрдугаар алхам бол боломжит хямдрал юм уу өөрт чинь ямар нэгэн купон байгаа эсэхийг хайх юм. Гэсэн хэдий ч хямд гэдэг шалтгаанаар ямар нэг зүйл худалдаж авахгүй байх хэрэгтэй. Зардал багатай, хямд үнэтэй гэдэг хоёр ижил утгатай биш гэдгийг санаарай. Энэ танд төлөвлөгөөгөө гаргаж, өөртөө зарим нэг зүйл дээр зөвшөөрөл олгоход нэн чухал зүйл шүү. Мөн үргэлж тоо хэмжээнээс чанарыг илүүд үз. Хэрэв та үнэтэй зүйл худалдаж авахдаа эргэлзэж байгаа бол, материалыг нь сайн шалгаад үнэхээр чанартай гэдэгт итгэлтэй болвол түүнийг ав. Сайн дотор бол дизайнерийн гарын үсэг юм шүү.
16. Өөрийн үзэл бодлоо сайн анхаар
Та өөртөө хувцас хэрэглэлийг хэзээ ч битгий яарч аваарай. Толины өмнө зогсоод аль аль талаас нь анхааралтай ажигла. Хэрэв танд таатай, сэтгэл татам сэтгэгдэл төрвөл авч болно гэсэн үг. Түүнээс гадна, зарим гадуур хувцаснуудыг магадгүй өдөржин шалгах хэрэгтэй ч болж магадгүй, тиймээс тэднийг өөр өөр гэрэлд сайн ажиглахыг хичээгээрэй.
17. Санаа бодлоо нээ.
Таны хувцасны шүүгээнд зөвхөн нэг л төрлийн хувцаснууд байдаг бол, та нэлээд уйтгартай хүн юм. Энэ таны аксесуар болон хувцас аль алинд хамаатай, танд үнэхээр сайхан харагддаг зүйлсээ туршаад үзээрэй – та үр дүнг нь хараад гайхах болно. Шинэ өнгө загвар, нүүр будалтуудыг туршаад үз. Энэ нь хөгжилтэй байхаас гадна магадгүй та жинхэнэ өөрийнхөө өнгө төрхийг олох ч юм билүү.
18. Бүс бол таны хамгийн сайн нөхөр.
Тохиромжтой бүс таны хувцсыг илүү сайхан харагдуулна. Хэрэв та бүсийг зөв хэрэглэж чадвал, та бэлхүүсээ илүү нарийхан харагдуулж чадна. Тиймээс та өөртөө хамгийн тохиромжтойгоор бүснүүдийг ашиглаж сураарай. Хамгийн сайн арга бол бүс таны хувцаснаас өөр материалтай байх хэрэгтэй.
19. Хэзээ нэгэн цагт эрэгтэйлэг хувцаслалтыг туршаад үзээрэй.
Хамгийн сүүлийн үеийн хүчирхэг загварын чиг хандлагаас илүү өөр зүйл тантай таатай санагдаж болох юм. Эрэгтэй хувцас ихэнх эмэгтэй хувцаснаас илүү эвтэйхэн байдаг. Гэхдээ та хэтэрхий салбагар, сэтгэлд нийцгүй зүйл өмсөх хэрэггүй. Та эмэгтэй хувцас сайхан харагддаг шигээ биш гэдгийг олж мэднэ. Ингэснээр та эмэгтэй байдлаа алдахгүй, зүгээр л илүү хүчирхэг байдлыг мэдэрнэ.
20. Нөөц хувцас тохиромжтой газарт хадгал
Гэнэтийн санаандгүй явдлыг та зохицуулж чадахгүй. Гэнэтийн зүйлээс хэрхэн болоомжлох талаар санаа зовох хэрэггүй хэдий ч хэзээ ч хэнд ч тохиолдож болно. Тиймээс боломжтой бүх үед нөөц хувцастай байх хэрэгтэй. Ажлын байран дээрээ хэдийд ч өмсөхөд тохиромжтой цагаан цамц хадгалахаас эхэл. Та гэнэтийн зүйлд бэлэн байх хэрэгтэй.
21. Оёсон хувцаснаас илүү юу ч байхгүй – чадварлаг оёдолчноор хувцсаа хийлгэ.
Оёсон хувцас үнэтэй байдгийн хамгийн сайн шалтгаан бол тэд төгс таардаг. Цөөхөн см-т та том өөрчлөлт харах болно. Тиймээс оёдолчин орохдоо эргэлзэх хэрэггүй. Хэрэв танд зарим нэг зүйлийг өөрчлөх, эсвэл өөрт тохирсон гайхалтай загварын санаа байвал, оёдолчин орох хэрэгтэй. Ингэснээр та худалдаж авсан хувцсаа ч өөрчилж чадна. Мөн сайн оёдолчинтой найзал. Энэ таны хичээл зүтгэлийг илүү хялбар болгоно.
22. S, M, L цүнхнүүд
Гар цүнх бол эмэгтэй хүний хамгийн өргөн хүрээтэй, чухал аксесуаруудын нэг. Түрийвч болон цүнхнүүдэд нэг эсвэл хэтэрхий олон гэсэн ойлголт байхгүй ч, танд аль нь хамгийн тохиромжтой вэ гэдэгт анхаарлаа хандуулаарай. Танд мэдээж өөр өөр тохиолдлуудад өөр өөр цүнх шаардлагатай боловч хамгийн ерөнхий 3 хэмжээтэй цүнх заавал байх хэрэгтэй – жижиг, дунд, том.
Уламжлалт стиллээс авч үзвэл энгийн эмэгтэйчүүдийн өндөр чанартай гар цүнх нь хүчирхэг байдлыг илтгэдэг боловч, нөхцөл байдлаасаа шалтгаалаад зөв хувцсан дээр хослуулахгүй бол юу ч биш болж хувирна. Үүний дараа, та өөрийн хамгийн их өмсдөг хувцсан дээр зохисон загвар авахад анхаарлаа хандуулах нь зүйтэй.
23. Ачаагаа бэлдэж сур
Та үргэлж таны бүх олон цүнхтэй ачааг зөөж явах жентлемэнд найдаж болохгүй. Тиймээс хэрэв та хэт олон зүйлд дарагдахыг хүсэхгүй л байгаа бол, үр дүнтэй ачаа бэлдэж сур. Мөн энэ нь танд бүх хувцсаа үрчийлгэхээс зайлсхийх энгийн арга – хувцаснуудаа ангилаад, тус бүрээр нь нямбай эвхэж уутлаад, чемадондаа хий. Энэ нь цаг их авах ажил байх боловч танд хувцсаа цэвэр цэмцгэр хадгалахад тусална.
24. Юм оёх чадвараа хөгжүүл
Хэрэв та хэзээ ч зүү барьж юм оёж үзээгүй бол харамсах цаг ирэх болно. Тиймээс та одооноос эхлээд үүнийг ажил хэрэг болго. Оёдлын хэрэгслүүдийг ашиглах мэдлэгтэй байх хэрэгтэй. http://howtosew.com/sewing-basics эндээс та зарим нэг хэрэгтэй зүйл олж магадгүй юм.
25. Хувцаснууддаа анхаарал тавь
Та сонгосон хувцаснууддаа анхаарал, халамж тавьдаггүй бол, шүүгээнийхээ өмнө тийм ч их цаг зарцуулах шаардлагагүй. Нэг сайн чанарын индүү, сайн угаалгын бодис, болон хувцсан дээрх арчилгааны зааврыг шалгах 2 секунд л хангалттай. Бүү залхуур. Нямбай цэвэрлэж индүүдсэн хувцас тань таныг илүү гоо зүйн мэдрэмжтэй харагдуулна.
Эх сурвалж: emegteichuud.mn
