Махны ченж үйлчлүүлэгчээ луйварджээ

 Энэ сарын 16-ны өдөр “Хүчит шонхор” захын гадна талбайд иргэн Э-ийн худалдаалах гэж байсан хонины махны жинг хуурамчаар тогтоон худалдан авсан хэрэг гарчээ.

Тодруулбал, Чингэлтэй дүүргийн 12-р хороонд оршин суугч 51 настай, М гэгч иргэн Э-ийн 132 кг хонины махыг бусадтай бүлэглэн  буруу жигнэж 90 кг хэмээн бага үнээр авсан байна. Ингэснээр иргэн Э-д 243 мянган төгрөгийн хохирол учирсан ажээ.

Одоогоор хэргийг НЦГ-ын гэмт хэрэгтэй тэмцэх газрын албан хаагчид шалгаж байгаа юм байна. Цагдаагийн газраас  “Жин хэмжүүр дээр буру жигнэн иргэдийг хохироох явдал ихээр гарч байгаа тул худалдаа хийхдээ хянамгай байхыг” анхааруулж байна.

Л.Бадрах