Г.Маралмаа эмнэлгээс гарч, цагдан хориход очив

Дөрвөн настай охины үхэлд буруутгагдаж, анхан шатны шүүхээс 24 жилийн хорих ял сонссон Г.Маралмаа өнгөрсөн долоо хоногийн баасан гаригт Нийслэлийн гуравдугаар амаржих газар эсэн мэнд амаржсан билээ.

Хүүхдийн биеийн шарлалт бүрэн арилаагүй гэсэн шалтгаанаар мөн эхийг нь тэнхэртэл эмнэлэгт байлгах ёстой гэсэн эмчийн заавраар долоо хоносон Г.Маралмаа эмнэлгээсээ гарч Цагдан хорих төвийн камертай өрөөнд очжээ. Түүнийг эмнэлэгт дөрвөн харгалзагч харж байсан бөгөөд камертай өрөөнд ч харгалзагч байх гэнэ.

Ийнхүү эх, хүүхдийн биеийн байдал сайн байгаа бөгөөд Г.Маралмаа хүүхэдтэйгээ харилцах харилцаа сайн байгаа гэдгийг эх барьж авсан эмч нь ярьжээ.

Эх сурвалж www.wikimon.mn