Зургаан настай Монгол хүү хамар хийлгүүлжээ

  Барамсай овогтой Нэргүй гэх зургаан настай хүү Сөүл хотын нэгэн эмнэлэгт хамар хийлгүүлжээ. Хамартай болсон шалтгаан нь гэвэл Солонгосийн EBS телевизийн “ Global project” хэмээх  хүмүүнлэгийн нэвтрүүлэгийн ээлжит дугаараар энэ хүүгийн тухай гарч байсан нь гол шалтгаан нь болсон аж.

Тодруулбал, Солонгосын сайн санааны нэг байгууллага  тэр нэвтрүүлгийг үзэн тусламжийн гараа сунгаж ийнхүү тусалжээ. Хүү одоогоор хоёр удаагийн хагалгаанд ороод байгаа бөгөөд эхний хагалгаа нь хоёр цаг орчим, дараагийн хагалгаагаа  бүхэл бүтэн 18 цаг үргэлжилсэн байна. Тэрээр дахин хагалгаанд орох ба найман сар гаргаад гоо сайхны хагалгаа хийлгэхээр төлөвлөжээ.

Дэлхийд нийт хамаргүй төрсөн зургаан хүүхэд бүртгэгджээ. Үүний нэг нь ч нэг нас хүрэлгүй өнгөрч байжээ. Харин Нэргүй хүү өдийг хүртэл сайн боожиж байгаа таатай мэдээ байна.

З.Байгалмаа

Ugluu.mn