Жастин Бибер нүцгэлэх “дон” тусчээ

Багаасаа урлагийн өрсөлдөөнт ертөнцөд хөл тавьж, од болон гялалзсан дуучин Жастин Бибер дахиад л чармай нүцгэн зургаа өөрийн инстаграмм хуудастаа нийтэллээ.

Эдүгээ 22 настай дуучин залуу нуурын өмнө чармай нүцгэн зогсч буй зургаа сошиал медиад тавьсан байх бөгөөд түүний энэ зургийг сельфиний “Shots” аппликэйшны СЕО  Жон Шахиди авчээ.

Жастин өнгөрсөн жилийн долдугаар сард ч мөн өөрийн чармай нүцгэн зургаа инстаграммдаа нийтэлж байсан удаатай. Гэвч тухайн үед үерхэж байсан охин нь ичсэн тул зургаа устгаж, уучлалт гуйж байсан юм.

Үүнээс гадна өнгөрсөн сард дуучин залуу эрчүүдийн “Clash” сэтгүүлийн нүүрийг  мөн л чармай  нүцгэн зургаараа чимж байв.  Ямартай ч, сүүлийн үед олны танил эрхмүүд дундаа реалити шоуны од Ким Кардашиан, дуучин Жастин Бибер хоёр л өөрсдийн сошиал хуудсаа чармай нүцгэн зургаараа чимж, олны анхаарлыг татах болсон юм.