Эхнэрүүдээ эндүүрдэг ихрүүд хагалгаа хийлгэнэ

Хятадын оршин суугч болох ах, дүү Жао Синь, Жао Сюань нар ихрүүд билээ. Тэдний эхнэрүүд болох эгч, дүү Юн Фэй, Юн Ян нар ч усны дусал шиг адилхан ихрүүд юм. Тэд нэг нэгнээ эндүүрч эвгүй байдалд ордог тул гадаад үзэмжээ өөрчлүүлэх пластик мэс ажилбар хийлгүүлэхээр төлөвлөжээ. Мэс ажилбарууд Шанхай хотын нэгэн эмнэлэгт хийгдэнэ. Ах, дүү Жао нар нүүр царай адилхан төдийгүй дуу хоолойны өнгө нь ижилхэн, нүүрний хувирал нь ч мөн адилхан гэнэ. Эгч, дүү Юнууд ч хоорондоо нүгэлтэй адилхан аж.

Усны дусал шиг адилхан ихрүүд тийм эгч, дүү хоёртой уулзалдаж эхэлснээр нэг нэгнийгээ андуурах магадлал дэндүү их гарсан байна. Хэд хэдэн удаа нэгнээ андуурсны эцэст хосууд пластик мэс ажилбар хийлгэх нь зүйтэй гэж үзжээ. Тэд Хятадын умард хэсэгт орших Шаньси мужийн зэргэлдээх тосгонд мэндэлсэн байна. Пластик мэс засалчид тэдний гадаад үзэмжид бага зэргийн өөрчлөлтүүд хийснээр хоорондоо ялгардаг болно гэж амлав. Эмч нар тэдэнд энэ ажилбарыг үнэ төлбөргүй хийж өгөхөөр болжээ.

Эх сурвалж www.wikimon.mn