Өглөө.мн Шинэ өглөө, Шинэ мэдээлэл
Дорнод аймгийн Хэрлэн суманд энэ сарын 6-ны өдөр долоон настай хүүгийн амийг захиалгаар хөнөөлгөсөн хэрэг гарсан. Хэргийг талийгаач хүүгийн эцэгтэй гэр бүлээс гадуур харилцаатай байсан С гэгч эмэгтэй бусдад 200 мянган төгрөг өгч хүүгийн амь насыг захиалгаар хөнөөлгөсөн болох нь мөрдөн байцаалтын явцад тогтоогдсон аж.
Сэжигтэн С нь өөрөө нэг нас гарантай нялх хүүхэдтэй бөгөөд талийгаач хүүгийн аав “хүүгээ бодоод эхнэрээсээ салж чадахгүй” гэснээс болж 200 мянган төгрөгөөр хүн хөлсөлж хоёрдугаар ангийн сурагч хүүгийн амийг хөнөөлгөсөн талаар албаны эх сурвалж мэдээлсэн.
Тэгвэл энэ хэргийн талаар өнөөдөр 14.00 цагаас Цагдаагийн ерөнхий газрын Хэвлэл, мэдээллийн төвөөс мэдээлэл хийхээр болсон байна.
