Өглөө.мн Шинэ өглөө, Шинэ мэдээлэл
УИХ-ын гишүүн Ц.Нямдорж намаасаа урваж байгаа улстөрчдийг шахан гаргах, тэдэнд улстөрийн орон зай өгөхгүй байх хэрэгтэй гэв. Тэрбээр саяхан өгсөн ярилцлагадаа энэ тухайгаа “МАН шиг нам байхгүй гээд байсан хүмүүс өнөөдөр АН-д орохыг урвалт биш гэх үү. Ийм хүмүүс ардын төрийг гадныханд худалдахыг үгүйсгэх аргагүй. Чингисийн үед Жамух гэж урвагч байсан” хэмээн эзэн Чингисийн анд Жамухыг хүртэл чангахан чимхээд авчээ.
Харин түүний ингэж бодох болсон шалтгаан нь намаа шинэчлэнэ хэмээн цээжээ дэлдэх болсон залуусаас үүдэлтэй гэнэ. Тэрбээр энэ тухайгаа “Шинэчлэл ярьдаг болгон сайн байдаг юм биш. Магадгүй хамгийн хорлонтой, хамгийн хуучинсаг хүмүүс шинэчлэл ярьж байж мэднэ” хэмээсэн байна.
Түүнчлэн энэ хүмүүс МАН таван сонгуульд дараалан ялагдлаа л гэх юм. Тэгвэл 10 жил босоо байсны алдрыг нь хэн хүртэх юм гэж тун ч ширүүхэн ам асуусан байна лээ. Ингэхээр МАН-ын “төмөр нударга” УИХ-ын гишүүн Ц.Нямдорж намынхаа урвагчидтай нэгийгээ үзэлцэхээр шийдсэн бололтой дог.
