Супер модель Синди Кроуфорд өөрийн нэрийн өмдний брендээ гаргахаар болжээ

Өдгөө 51 настай  “загварын амьд домог” Синди Кроуфорд жийнсэн өмдний брендээ гаргахаар зэхэж байна. Тус брендийн давуу тал нь Синди өөрөө зохиосон онцлогтой бөгөөд ирэх есдүгээр сарын дундуур худалдаанд гарах гэнэ. The CRAWFORD нэртэй тус бренд нь 1990-д оны бариу жийнс, хөвөн даавуун футболк, шорт, цамц зэрэг чөлөөт хувцаснууд багтсан байна. 1990-ээд оны өндөр суудалтай жийнсэн өмд моодонд орсон даруйд бүсгүйчүүд тухайн үеийн загварын шүтээн Синди Кроуфордоос бүтээлч санаа авж, түүний өмсдөг байсан загварыг эрэл хайгуул хийж байсан билээ.

Pepsi брэндийн 1992 оны сурталчилгаанд богино жийнсэн шоорт өмсөж, өдөр тутамдаа Levi’s-ийн сонгодог загвараар гоёдог байсан тэрээр жийнсэн хувцасны жинхэнэ шүтээн гарцаагүй мөн юм.