Өглөө.мн Шинэ өглөө, Шинэ мэдээлэл
“Aim4R” продакшны үүсгэн байгуулагч, бүжигчин Т.Саруултөгс Америкийн дуучин, ая зохиогч, жүжигчин , АНУ-ын поп дуучин Крис Браунны шинэ клипэнд бүжиглэхээр болжээ. Т.Саруултөгс хэлэхдээ “Крис Брауныг хараад надад маш гоё санагдаж байсан. Крис Браунтай адилхан шивээс хүртэл хийлгэж байсан. Маш их дэмждэг. Крис Браунтай хамтарч ажиллахыг, бүжигчнээр нь хойно нь сонгогдохыг хүсдэг. Крис Браун 21-р зуунд Майкл Жексон юу хийж байгааг давтаж байгаа хүн. Бүжиг дуу, шоу тоглолтыг хамгийн сайн хослуулж байна. Крис Брауны бүжиг дэглээчтэй хамтарч ажиллаж байгаа учраас тийм үүд хаалга нээгдэхийг үгүйсгэхгүй” гэж хэмээн хэлсэн байна. Т.Саруултөгсийн хувьд монголын урдаа барьдаг томоохон уран бүтээлчдийн видео клипэнд тоглож “Авьяаслаг монголчууд” нэвтрүүлгээр танигдаж, бүжгээр дамжуулан залуучуудад үлгэр дууриал өгч яваа уран бүтээлч билээ.
Тэрбээр Монгол НD-ийн телевизээс зохион байгуулсан Авьяаслаг Монголчууд шоу нэвтрүүлэгт амжилттай оролцож шүүгч Рокит Бэйг тайзан дээр гаргаж чадварлаг бүжигчин гэдгийг харуулж чадсан. Мөн түүнчлэн Авъяаслаг Монголчууд шоуны шилдэг 32 оролцогчийн нэгээр тодорч байсан юм.
