Өглөө.мн Шинэ өглөө, Шинэ мэдээлэл
Олон Улсын хэмжээний мастер Монгол Улсаас анх удаа Дэлхийн ноён оргил Эверестэд Непал болон Түвдийн талаас гурван удаа авирсан анхны уулчин бол Олон Улсын хэмжээний мастер Б.Цэвээндаш юм.
Б. Цэвээндашийн бага охин болох Ц. Энхжин 2017 оны 11-р сарын 18 ны өдөр БНХАУ-ын Саньяа хотноо зохион байгуулагдах “Miss World 2017” тэмцээнд эх орноо төлөөлөн оролцохоор болсон билээ. Ц. Энхжин өнгөрсөн сарын 20-ны өдөр БНХАУ-ыг улсыг зорьсон юм.
Олон Улсын хэмжээний мастер Б. Цэвээндаш MNC телевизийн долоо хоногийн онцлох хүн нэвтрүүлэгт охиныхоо талаар ярилцлага өгөх үеэрээ “Миний охин өөрөөсөө шалтгаалах бүхий л зүйлсийг 100 хувь маш сайн хийж байгаа. Саяхан охин маань “Мультимедиа” төрөлд нэгдүгээр байранд явж байсан бол араас нь Мексик улсын мисс хүч түрэн орж ирлээ.Охинд минь саналаа өгч байгаа хүн болгонд маш их баярлаж байна. Санал хураалт энэ сарын 18-ныг хүртэл явагдана. Дэлхийн мисс гэдэг титмийг эх орондоо авчрахын тулд охин минь бүх чадлаараа хичээж байгаа учир, ард үлдсэн эх орон, монголчуудыгаа дэмжихийг уриалж байна” гэв.
