Өглөө.мн Шинэ өглөө, Шинэ мэдээлэл
Хятадын блог хуудас эрхэлдэг Ли Цзяци гэх залуу онлайн худалдааны “Taobao” вэбсайтад уруулын будагнууд тестэлж байгаа видеогоороо өнгөрсөн жилд нийт 1.5 сая ам.доллар олжээ.
Тэрээр ихэнхдээ уруулаа өдөрт долоон цагийн турш будаж байсан аж. Долоон цагийн шууд бичлэгтээ нийт 300 гаруй уруулын будаг туршиж байжээ. Лигийн бичлэгийг үздэг хүмүүс түүнийг “Уруулын будагны хаан” хэмээн нэрлэсэн. Тэрээр зөвхөн ус уух юм уу, угаалгын өрөөнд орох гэж түр хугацаанд завсарлага авдаг.
Ли “Эмэгтэйчүүдэд уруулын будаг санал болгож байгааг маань хараад олон хүн гайхаж хүлээж авсан. Гэхдээ энэ нь миний давуу тал болсон. Эмэгтэй хүмүүс илүү нимгэн уруултай байдаг болохоор өдөрт гурваас дээш уруулын будаг туршиж чадахгүй. Харин би өдөрт 380 уруулын будаг туршдаг. Зарим хүн намайг төмөр уруултай ах гэдэг. Би хүмүүст бага үнээр өөрт хамгийн тохирсон уруулын будгийг худалдаж авахад нь тусалдаг. Заримдаа компаниас үйлчлүүлэгчдэд хөнгөлөлт үзүүлж, купон өгөхийг хүсдэг” хэмээжээ.
Өнгөрсөн оны сүүлд тэрээр Хятадын Жиансугийн Сурган Хүмүүжүүлэх Ухааны Их Сургуулийн оюутнуудад хичээл заах урилга авчээ. Урилгын дагуу “Taobao Writing” болон харилцааны курс хичээл заах аж.
