Жюү жицүгийн Ази тивийн анхны нээлттэй тэмцээн эхлэхэд 4 хоног үлдлээ

Энэ жил 11 дахь жилтэйгээ золгож буй Монголын Жюү жицүгийн холбоо энэ сарын эхэнд улсын аварга шалгаруулах тэмцээнийг амжилттай зохион байгуулсан. Тэгвэл оны хоёр дахь тэмцээнээ энэ сарын 27-нд спортын төв ордонд Жюү жицүгийн Ази тивийн анхны нээлттэй тэмцээнээр үргэлжлүүлэх гэж байна.

 

ASIA CONTINENTAL PRO буюу Ази тивийн нээлттэй тэмцээнд бусад тивийн тамирчид нээлттэй оролцох боломжтой гэдгээрээ онцлог. Мөн World Rank-ийн өндөр оноо олгогдож байгаа учраас ОУ-ын тамирчид цөөнгүй ирэх хандлагатай байна.

Дэлхийн хөгжингүй улс орнуудад жюү жицү маш өндөр хөгжсөн байдаг. Энэ ч утгаараа Монголын Жюү жицүгийн холбоо Арабын Нэгдсэн Эмират улстай 2014 оноос хамтран ажиллаж улсын аварга шалгаруулах тэмцээнүүд болон олон улсын хоёр дахь тэмцээнээ зохион байгуулах гэж байна. Энэ жил Дэлхийн жюү жицүгийн холбоо тивүүдийн нээлттэй тэмцээнийг зохион байгуулж эхлэхээр болсон. Харин манай улс анхдугаар “Азийн нээлттэй тэмцээн”-ийг зохион байгуулж байгаа нь хүндтэй явдал болж байна.

Одоогийн байдлаар тэмцээнд найман орны 420 гаруй тамирчид бүртгүүлээд байна. Өсвөр үе , насанд хүрэгчид, ахмад гэсэн гурван ангилалд бүс болон жин тус бүрдээ тамирчид шилдгүүдээ тодруулах юм.

Харин тэмцээний төгсгөлд үнэмлэхүй жингийн мөнгөн шагналтай барилдаан болох бөгөөд хөх бүснээс дээш бүх бүс жингийн аваргууд оролцох боломжтой. Энэ утгаараа манай улсын тамирчид ихээхэн туршлага судлах боломж нээгдэнэ.

Тэмцээнд оролцохыг хүссэн хэн бүхэнд нээлттэй бөгөөд бүртэл 2018/01/23-нийг хүртэл явагдана. Тамирчид дасгалжуулагч болон эцэг эхчүүд дараах линкээр орж бүртгүүлэн, тэмцээний оноолт , цаг гэх мэт бүхий л мэдээллийг бүрэн авах боломжтой.

Жюү жицүг сонирхсон хэн бүхэн тэмцээнийг хүрэлцэн ирж сонирхох боломжтой бөгөөд үзэгчдийн дунд азийн сугалаа явагдана.

 

Эх сурвалж: Zaluu.com