Клиник үхэлд хүүхдээ төрүүлсэн эмэгтэй

/Daily News/ АНУ-ын Миссури мужид өнгөрсөн хоёрдугаар сарын 29-нд нэгэн эмэгтэй үхээд хүүхдээ төрүүлэн дахин амилсан гайхалтай хэрэг болжээ.

Тодруулбал, 32 настай Эрика Нигрелли хэмээх багш эмэгтэй хичээл орж байгаад ухаан алдаж унан, улмаар амнаас нь хөөс цахарч, таталт өгсөөр түргэн тусламжаар эмнэлэгт хүргэгдэн амьсгал хураасан байна.

Тиймээс эмч нар юутай ч багш эмэгтэйн гэдсэнд буй хүүхдийг яаралтай аврах хэрэгтэй болж хагалгаа хийн эрүүл охин гаргаж авчээ. Учир нь  Эрика Нигрелли төрөхөд ердөө гуравхан долоо хоног дутуу байсан аж.   Эмч нар охиныг эсэн мэнд байгаад баярлаж байтал гэнэт хачирхалтай зүйл болсон нь хэдэн арван минутын өмнө амьсгал хураасан байсан Эрика Нигрелли бүсгүйн зүрх дахин цохилж эхэлжээ. Эмч нар ч яаралтай арга хэмжээ авч эмэгтэй дахин амилсан байна.

Одоогоор эл гайхамшигтай явдлыг хэн ч тайлбарлаж чадахгүй байгаа бөгөөд юутай ч клиник үхэл хэмээн тодорхойлсон аж. Харин түүний нөхөр Натан эл сайхан үйл явдал тэдний гэр бүлд тохиосонд маш их байртай байгаа бөгөөд хэрэг болох үед яг эхнэрийнхээ хажууд байсан гэнэ. Учир нь Натан ч мөн эхнэртэйгээ нэг сургуульд багшилдаг агаад хамгийн түрүүнд 911-рүү залгажээ.

Т.Анир.ugluu.mn