Өглөө.мн Шинэ өглөө, Шинэ мэдээлэл
“Боловсрол” телевиз “Endemol shine group”-ын албан ёсны эрхтэйгээр хүргэж буй “Яг түүн шиг-3” шоуны хоёр дахь дугаар өчигдөр /2018.05.13/ үзэгчдийн хүртээл боллоо. Шоуны хоёр дахь дугаарын ялагчаар “A Sound” хамтлагийн дуучин Ц.Тэмүүлэн 37 оноотойгоор тодорлоо.
Тэрээр эхний дугаартаа дуучин Леди Гага-гийн дүрд хувирсан бол хоёр дахь дугаартаа “Битлз” хамтлагийн дуучин Жон Леннонийн дүрд тун чадварлаг хувирч, “Imagine”дууг яг түүн шиг дуулж шүүгчдээс магтаалын үг сонссон юм.
Шүүгч Г.Ганхүү: Яг л 1971 онд очсон юм шиг санагдлаа. Чи маш сайн судалж, бүхнийг 100 хувь харууллаа.
Шүүгч Б.Амархүү: Өмнөх дугаар дээр баззер дараад Жон Леннон таарахыг хараад баярлаж байсан. Хайртай хамтлаг дуучнаа дуурайх сайхан байсан болов уу. Жон Леннонтой уулзуулсанд баярлалаа.
Шүүгч Х.Оюунбилэг: Тэртээх 1980 оныг авчирсанд баярлалаа.
