Лэди Гага ээжийнхээ хамт

Дуучин Лэди Гага саяхан Лос-Анжелес хотод зохиогдсон нэгэн хүмүүнлэгийн арга хэмжээнд очжээ. Дуучин бүсгүй тэнд ганцаараа ирсэнгүй. Лэди Гага ээжтэйгээ хамт ирсэн аж. Түүний ээж болох Синтиа Жерманотта олон нийтийн арга хэмжээнд ховорхон ирдэг хүн. Тэгвэл энэ удаа тэрээр охиноо дэмжихээр шийдэж, уг арга хэмжээнд хүрэлцэн ирсэн байна. Хүүхдүүдээ хурцалж өсгөх арга ухааныг Синтиад өөрийнх нь ээж сургасан гэдэг. Лэди Гагагийн эмээ өдгөө 90 настай ч нэр хүндтэй нэгэн бөгөөд хүмүүс түүн рүү зөвлөгөө авахаар олноороо очдог аж. Эмээ Ронни нь өндөр настай гэлгүй биеийн тамирын танхимд очиж дасгал хийдэг гэнэ.