Өглөө.мн Шинэ өглөө, Шинэ мэдээлэл
АНУ-ын Ерөнхийлөгч Дональд Трамп болон ОХУ-ын Ерөнхийлөгч Владимир Путин нарын дээд хэмжээний уулзалтын үеэр талууд тохиролцоонд хүрч болзошгүй байгаа нь НАТО буюу Умард Атлантын гэрээний байгууллагын байр суурийг ганхуулна гэж Их Британи улс болгоомжилж байна. Энэ тухай “The Times” сонин мэдээлэв.
Хоёр улсын удирдагчдын яриа хэлэлцээний дүнд ерөнхийлөгч Д.Трамп НАТО-гийн хийхээр төлөвлөсөн цэргийн сургуулилтыг цуцлах юмуу өөрчилж магадгүй байгаа нь тус эвслийг хямралд оруулна гэж Их Британийн сайд нарын танхимын гишүүд үзэж байна. Түүнчлэн хоёр улсын удирдагчдын дээд хэмжээний уулзалт болсноор Д.Трамп Крымыг Оросын хэсэг гэж хүлээн зөвшөөрч, хориг арга хэмжээний бодлогыг эргэн харж магадгүй гэж Их Британийн Засгийн газар санаа зовниж байгаа аж.
