Өглөө.мн Шинэ өглөө, Шинэ мэдээлэл
Өмнөд Солонгосын алдартай хөвгүүдийн хамтлаг болох BTS-ын тухай баримтат кино ирэх сард Өмнөд Солонгосын “CGV” сүлжээ кино театруудаар гарч эхлэхээр болжээ. “Burn the stage” нэртэй уг кино нь тус хамтлагийн “2017 BTS Live Trilogy Episode III: The Wings Tour” аялан тоглолтын тухай өгүүлэх гэнэ. Уран бүтээлчид дэлхийн 19 хотод тоглолтоо хэрхэн амжилттай хийж байгаа, тоглолтын ард ямар их хичээл зүтгэл, тэсвэр тэвчээр байдгийг харуулсан бүтээл болсон байна. Тус хамтлаг нь өнгөрсөн есдүгээр сард болсон НҮБ-ын ерөнхий ассамблейн чуулган дээр үг хэлсэн анхны хамтлаг болсон билээ.
Мөн 2017, 2018 онд “Billboard Music Awards”-ын шилдэг 200-д багтаж, “Сошиал-50” жагсаалтыг тэргүүлэн, “Billboard Music Awards”-ын ялагч болж, шагнал хүртсэн анхны Солонгос хамтлаг юм. Түүнчлэн АНУ-ын “Time” сэтгүүлийн 10-р сарын 22-нд худалдаанд гарах сэтгүүлийн ковер зургийг чимжээ.
