Өглөө.мн Шинэ өглөө, Шинэ мэдээлэл
Монгол Улсын Соёлын тэргүүний ажилтан, жүжигчин Д.Ганцэцэг, А.Ганчимэг “Хувьсал” продакшнаас өрх тусгаарлан “Аримун” нэртэй продакшн байгуулжээ. Авьяаслаг жүжигчин бүсгүйчүүд анхны уран бүтээл болох “Халуун зүрх” киноныхоо зураг авалтыг хийж дууссан бөгөөд удахгүй нээлтээ хийхээр төлөвлөж байгаа аж.
“Аримун” продакшны дэлгэцийн анхны уран бүтээл болох “Халуун зүрх” уран сайхны киноны зохиолыг жүжигчин А.Ганчимэг бичиж, найруулагчаар нь Д.Ганцэцэг ажиллажээ. Хоёр уран бүтээлч шинэ бүтээлийнхээ зураг авалтыг 2018 оны наймдугаар сард эхэлж, 2019 оны 2-р сарын 2-нд киноныхоо сүүлийн зураг авалтаа хийсэн юм.
“Халуун зүрх” уран сайхны киноны анхны нэр нь “Дэлхий тээсэн эмэгтэй” байжээ. Тэдний анхны бие даасан уран сайхны киноны гол дүрд МУСТА А. Ганчимэг, жүжигчин, найруулагч Б. Тамир, жүжигчин Д.Ганцэцэгийн бага хүү тогложээ.
Тэрбээр хоёр хүүтэй бөгөөд том хүү Б.Хангай нь УДЭТ-ын бүтээл “Гамлет” жүжигт Гамлетийн бага насны дүрд тоглож байсныг үзэгчид санаж байгаа биз ээ.
