Гиннесийн дээд амжилт тогтоох загварын шоунд Монголын таван загвар өмсөгч оролцоно

Дэлхийн загварын салбарын түүхэн дээд Гиннесийн амжилтыг шинэчлэн тогтоохоор “Хамгийн олон орны”, “Хамгийн олон мэргэжлийн загвар өмсөгчид” оролцсон загварын шоу болох гэж байна.
Дэлхийн 90 улсын 300 гаруй дизайнер, мэргэжлийн загвар өмсөгч оролцож, дээд амжилт тогтоох уг шоу энэ сарын 5, 6-нд Испанийн Мадрид хотноо болох юм.

Энэхүү загварын шоунд Монголоос оролцох “Uilen Couture” брэндийн дизайнер Б.Золзаяа болон топ модель О.Пүрэвдулам, Н.Сарнай,загвар өмсөгч М.Наранмандах, Д.Долгион, Т.Оюун-Эрдэнэ нараас бүрдсэн баг эх орноо сурталчлах юм байна.